Popular Bible Verses from Ding Kasebian 22

Share

Ituru me ing anak king dalan a sukat nang dalanan at kabang bie na iti e ne kalinguan.

Ing bunga na ning kapakumbaban at takut king GINU ila ding pibandian, dangalan, at makabang bie.

Maygit yang kailangan pilinan ing malinis a lagyu kesa king pilak o gintu; ing gagalangan maygit ya king isanu pa mang pibandian.

E ka makikaluguran king taung mapali buntuk

Mipala ya ing maganakang tau uling king kabiayan na taung pakakalulu sasaupan na la.

Potang akakit nang daratang ing panganib, ing taung biasa mangilag ya, oneng ing taung mangmang e na pangilagan, inya daralan yang kasakitan.

Makapailalam la ding kalulu king upaya da ring makualta; ding menandam pera utus-utusan na la nitang peparam karela.

Ing mabandi at ing kalulu atin lang pamilupa: ing GINU ya ing linalang karela.

E mu la sasamantalanan ding kalulu uli na mu ning agyu-agyu mu la o sasamantalanan ding taung alang akarapat arapan ning husgadu. Ing GINU ya ing mingat king karelang piyamanuan at bantan ne bie ing ninumang magbanta king bie ra.