Popular Bible Verses from Filipos 4

Share

E kayu paibalisa lub, nune king sabla yung pamanalangin aduan yu king Dios ing kekayung kailangan, at king pamaniawad yu e yu kakalinguan pasalamat keya.

At ing kapayapan a lalagpus king abut nang isipan ning tau ibie na sa kekayu ning Dios; ing kapayapan a yan ya ing papanatili king pangayabe yu pusu at kaisipan kang Cristo Jesus.

Katataulian, kapatad ku, katmuan yu lang parati ding isip yu karetang bage mayap at marangal: ding bage tutu, matas, ustu, malinis, kalugud-lugud, at mitmung dangal.

Atin kung sikanan marap king nanuman uli na ning sikanan a babie nang Cristo kanaku.

Tumula kayu sanang parati king pamibiebie yung makayabe king Ginu. At iyulit kung sabian, tumula kayu!

Bilang ablas yu, ibie na sa ning kanakung Dios ing sablang kailangan yu, ibat king grasya nang alang sukad a atyu kang Cristo Jesus.

Tuparan yu king bie yu itang apagaralan yu at tinggap, ing dimdam yu at ikit kanaku. At ing Dios a babie kapayapan kekatamu manatili ya kekayu.

Pakitanan yu lang mayap a lub ding sabla. Malapit neng datang ing Ginu.

Balu ku nung nanu ing maging kalulu at balu ku naman nung nanu ing mika ating labis-labis. Sane na ku kaniti, inya nu man karin at kapilan man kontentu ku, mabsi ku man o danupan, king kalipitan man o king kanawan.

At e ku sasabian iti uli na ning panamdaman kung mipaburen ku; uling mebiasa na kung magdamut king atyu kanaku.