Popular Bible Verses from Filipos 2

Share

E kayu sana mipapatlalu; ala sanang mipapagmayabang; nune maging mapagpakumbaba ya sa ing metung at metung; e yu isipan kapilan man king mas mayap kayu kesa karing aliwa. Mipapanatindi kayu sana at e mu ing sarili nang kapakanan yang isipan nang mumunang dili ning balang metung.

Makilupa kayu panamdam kang Cristo Jesus

Agyamang atyu keya ing panga-Dios, makanyan man e na pinilit ing makipante ya king Dios. Nune linubas na ing sarili na king sablang kamalan; mekilupa ya karing tau, at kinua na ing aske ning metung a ipus. At king pamakiwangis na karing tau, migpakumbaba yang maygit karing sabla at meging mapamintu ya angga king kamatayan, wa, angga king kamatayan king krus.

uling e tutuknang darapat ing Dios kekayu ba yung burian at atuparan ing malugud nang parasan.

Uli na niti, pepaygit ne ning Dios at dininan neng lagyu a mimigit karing sablang lagyu. Inya king lagyu nang Jesus, kailangan lang siklaud ding sabla, ding king banua, ding keti king yatu at ding king lalam ning yatu. At ding sabla karelang ipasiag king i Jesu-Cristo Ginu ya, king ikaligaya na ning Dios Ibpa.

Daptan yung alang tutul ing sabla o alang pamitua ban maging malinis kayu at alang dungis, antimong ganap nang anak ning Dios, mabibie libutad da ring marawak at palpikasalang tau keti king yatu. Kailangan kayung sunlag libutad da antimo ding batuin a babie sala king banua

Uli na niti, mal kung kakaluguran, nung makananu yung parating tikian ing sasabian ku kanitang kayabe yu ku pa, lalung maulaga ing pamintuan yu ku ngeni, ngening e yu na ku kayabe. Isundu yu ing pamagobra para king kaligtasan yu a abe ing takut at galgal