Popular Bible Verses from Marcos 9

Share

Wa, nganang Jesus, nung atin kang akarapat! Ing sabla mapalyari king taung ating kasalpantayanan.

Kanita mu rin kinulisak ya ing tata at ngana, Atin kung kasalpantayanan! Nung e pa sapat, saupan mu ku!

Inyang linub ya i Jesus king bale, lihim deng kitnan ding alagad na. Ngara, Baket e mi ya apalual ing espiritung marawak? Nganang mekibat Jesus, Apalual la mu ding anti kareting espiritung marawak king kapamilatan na ning panalangin [at pamag-ayunu].

Ing asin mayap, nung milako lasa ing asin, makananu pang abalik ing kalat na? Manatili kayung ating asin at mikakasundu kayu king metung at metung.

Ing ninumang tanggap king metung karing malating anak a deti king lagyu ku, aku ing tatanggapan na; at ing ninumang tatanggap kanaku, aliwa mu aku ing tatanggapan na nune pati na itang mitubud kanaku.

Tandanan yu ini: ing ninumang munie kekayung metung a basung danum uling alagad na kayung Cristo, siguradu yang tanggap ablas.

Nung ing ninuman panibatan ne ning pamikasala na ning metung karing malating deni a maniwala kanaku, mayap pa ing itali ya ing maragul a gilingan a batu king batal na at iyugse ya king dagat.

At nung ing mata mu ya ing panibatan na ning pamikasala mu, dukitan me! Mayap pa ing metung ka matang lungub king Kayarian ning Dios, kesa king adua ka matang miyugse king impierno.