Popular Bible Verses from Marcos 6

Share

Tutu lang dakal ding taung daratang at mamako angga king e na na akua mang makapangan Jesus at ding apostol na. Inya sinabi na karela, Tara, munta tamu king tahimik a lugal, dumayu tamu pa mu kareng dakal a taung den ba kayung mipaynawang ditak.

Inya nganang Jesus karela, Parangalan de ring sablang tau ing propeta subali mu ding kabalen na, ding kamaganak na, at ding katubale na.

Kakuldas nang Jesus, ikit na la ding tutung dakal a tau, at melunus ya karela uling balamu tupa lang alang pastul. Miyayaliwang bage ing tiru na karela.

E ya dinapat nanumang milagru karin, nune mu inyang itumpak na la ding gamat na karing mapilan a masakit at kinayap la. Tutu nang pigmulalan Jesus ing keyalan dang kapaniwalan. Linibut ya i Jesus karing makapadurut a balen ba yang turu.

Kinua na lang Jesus ding limang tinape at ding aduang asan; tinalanga ya banua at pepasalamat ya king Dios. Pemirasu na la ding tinape at diwang na la karing alagad ba da lang ipamie karing tau. Pemie na la naman karela ding aduang asan. Mekapangan la ngan at kinabsi la ding sabla. Inyang tinipun da la ring alagad ding mitagan a pira-pirasung tinape ampon asan, kinatmu la pa ding labing aduang kaing.