Popular Bible Verses from Marcos 11

Share

King uli na niti sasabian ku kekayu, nung manalangin kayu at aduan yu ing nanuman, panaligan yu king iti tinggap yu na, at ing sabla miyabie kekayu.

Ing katutuan sasabian ku kekayu, nung sabian na ning ninumang king bunduk a ini, Malis ka at iyatsa mu ing sarili mu king dagat, at nung ala yang alinlangan king pusu na at paniwalan na king iti mapalyari, marapat para keya.

At neng tatalakad kayu ban manalangin, patawaran ye ing ninumang mikasala kekayu ban i Ibpa yung atyu banua patawaran na kayu naman. [

Nganang Jesus karela, Sukat kayung salpantaya king Dios.

Tiru na la kanita ding tau. Ngana, Makasulat karing Kasulatan king sinabi na ning Dios, Ing bale ku mayaus yang bale pipanalanginan para karing sablang tau. Oneng gewa yeng pugad da ring mapanako!

At ding taung mumuna at ding makatauli kang Jesus kukulisak da, Purian ya ing Dios! Bendisyunan ne sa ning Dios ing daratang king lagyu na ning Ginu!

Bendisyunan ne sa ning Dios ing daratang nang kayarian David a tatang tamu! Hosanna king Kakataskatasan!