Popular Bible Verses from Mateo 27

Share

Inyang alas tres na, nganang kinulait masikan Jesus, Eli, Eli, lema sabachthani? ngana wari, Dios ko, Dios ko, baket pepaimburisan mu ku?

Ketang penandit a ita megabak ya ing kortina na ning Templo manibat babo angga lalam. Minayun at mebangal la ding batung mangaragul at mibuklat la ding pantiun. Memaniubli lang mie ding dakal a taung banal a pakakutkut

Pasibayu yang kinulait masikan i Jesus at mepatad ya pangisnawa.

Inyang ikit nang minayun ning kapitan ampon ding sundalus a kayabe nang magbante kang Jesus at ikit da ing sablang mepalyari, mitakutan la at ngarang sinabi, Tutu pin ing Anak ne ning Dios!

Inyang ugtung aldo na meralumdum ya ing mabilug a bansa angga itang alas tres.

Nganang Pilato karela, Nanu naman ing daptan ku kang Jesus a ausan dang Cristo? Ipapaku me king krus! ngara ngan mekibat. Nganang mengutang Pilato, Nanu wari ing kasalanan a depat na? Oneng lalu ra pang pekakulisak, ngara, Ipaku ya king krus!