Popular Bible Verses from Mateo 24

Share

Uli na ning pangalaganap ning kasalanan a lunto, dimla ing lugud da ring keraklan. Oneng ing ninumang manatiling tapat angga king kawakasan ya ing miligtas.

At ing Mayap a Balita tungkul king Kayarian mipanaral ya king mabilug a yatu ba reng akilala ding sablang bansa. Datang na kanita ing kawakasan.

Damdam kayung labanan at makabalita tungkul king gera; oneng e kayu paitakut. Alang kapilisian a mangapalyari ing makanyan, oneng e na buring sabian king miras na ing kawakasan.

Gerahan ne ning metung a bansa ing kalupa nang bansa at ing metung a kayarian laban king kalupa nang kayarian. Mika danup at ayun karing miyayaliwang lugal. Ing sablang iti ya ing pamagumpisa na ning kasakitan.

Ing banua at ing yatu lumipas la, oneng manatili la ding amanu ku.

Dakal la ding datang a gumamit king lagyu ku at ngarang sumabi, Aku ing Cristo! At dakal la ding karelang linlangan.

King panaun a ita, pikasaman da kayu ding sablang tau king uli ku at pandakpan da kayu ban parusan at paten. Dakal lang gumulut king kasalpantayanan; mipapanganiaya la at mikakasama. Lunto la kanita ding propetang e tutu at linlangan da la ring dakal a tau.

Mekibat ya i Jesus, Mingat kayu ban e na kayu alinlang ning ninuman!

Inya, makanyan kayu namang sukat makasadiang parati, uling datang ya ing Anak ning Tau king oras a e ye panenayan datang!

Inya mingat kayu uling e yu balu nung nanung aldo ing paniatang na ning kekayung Ginu.

Alang makibalu metung man king paniatang na ning aldo at ing oras a ita ni ding anghel ning banua ni ing Anak. Ing bukud mung makibalu ya ing Ibpa.

Lunto la ding Cristo a e tutu at propetang e tutu. Pakit lang miyayaliwang tanda at milagru a tutung pagmumulalan ba ra lang alinlang pati na ding pinili ning Dios, nung malyari mu sa.

Ing paniatang na ning Anak ning Tau kalupa na nitang milyari king panaun nang Noe. Kanitang panaun bayu dinatang ing albug, mamangan la at miminum ding tau; makiasawa la ding lalaki at babai angga king mismung aldo a linub ya king barku i Noe. At e ra balu ing malilyari angga king dinatang ing albug at tiki na la ngan ning albug. Makanyan munaman ing malyari potang datang ne ing Anak ning Tau.