Popular Bible Verses from Santiago 3

Share

Oneng ing kabiasnan a manibatan king Dios, mumunang dili, ating yang malinis a pamibiebie, malugud ya king kapayapan, maganaka ya, at mapanatindi; kitmuan ya king pamaglunus at mayap a dapat, e biasang mangabiran at e ya mapagkunwari.

Ninu kekayu ing biasa at makaintindi? Ipakilala yu iti king kapamilatan na ning mayap a pamibiebie, at ipakit yu ing mayap yung dapat a bunga na ning kababan lub at kabiasnan.

Ing kayapan ya ing bunga na ning kapayapan a sasalbag da ring taung malugud king kapayapan.

Nukarin man mag-ari ing pangariria at pansariling nasa, karin munaman ing kaguluan at ing miyayaliwang uring e mayap.

Gagamitan ta ya king kapurian king kekatamung Ginu at Ibpa, at ya namang gagamitan tamu king pamalmura king kalupa tamung tau a melalang king wangis na ning Dios. Ing kapurian at palmura parehung manibatan king metung mung asbuk. Kapatad, iti e sukat malyari.

Mengari ya king api ing dila. Makayaliwa yang dili karing sablang dake na ning kekatamung katawan; ayayawa ne king e mayap ing mabilug tamung pangatau. Ing api na manibatan mismu king impierno at asisilab na ing sabla king mabilug tamung pamibiebie.

Oneng alang taung makapatunud king dila. Tutu yang e mayap at e me apigil; mitmu yang kamandag.

Kapatad, e la sa magnasang maging talaturu ding dakal kekayu ngening balu yu king itamung talaturu tanggap tamung lalung mabayat a kayatulan.