Popular Bible Verses from Santiago 1

Share

Kekayu ngan sablang kapatad ku, nung miraras kekayu ing miyayaliwang kapagsubukan, sukat yu iting ibilang antimong tula uling balu yu king arapan na ning anti kaniting kapagsubukan, ing maging bunga na ya ing lalu kayung mabiasang mibata.

Nung kekayu ating mangailangan kabiasnan, sukat nang aduan iti king Dios at ibie na kekayu ning Dios uling maganaka ya ing Dios at e ya mamarsala.

Tandanan yu ini, kaluguran kung kapatad! Maging matni kayu sana king pamakiramdam, oneng banayad king pamagsalita at mabagal king pamimua.

At siguraduan yu king ing pamibabata yu asadsad yu angga king wakas; alang kupas ban maging sakdal kayu at ganap, alang kakulangan nanuman.

E yu lilinlangan ing sarili yu, nune maging talatupad kayu king amanu na ning Dios at e na mu kabud talapakiramdam.

Mapalad ya ing taung manatiling tapat king oras na ning kapagsubukan. Uling nung magtagumpe ya king kapagsubukan, tanggapan ne ing korona. Iti ya ing bie a pengaku na ning Dios karing malugud keya.

Ing sablang mayap at ing sablang ganap a grasya manibat banua; daratang ibat king Ibpa, ing Linalang karing sala king banua, ing e mibabayu ni gugulut pasaring kadalumduman.

Ing makiramdam king amanu at kaybat e na tutuparan, mengari ya king taung lalawe king sarili nang itsura king salamin. Kaybat nang ikit king saguling penandit, kakalinguan na nang agad-agad kagulut na, nung nanu ya itsura.

King arapan na ning Dios a Ibpa tamu, ing tune at dalise relihiun ya ini: saupan la ding ulila at ding babaing mebalu king karelang kasakitan, at ingatan ing sarili ban e midinatan king e mayap na ning yatung iti.

Nung matutuksu ya ing ninuman king anti kaniting kapagsubukan, e na sa sasabian, Ing tuksung yan manibatan king Dios. Uling e ya malyaring matuksu ing Dios king e mayap at e na ne man tuksuan ing ninuman. Oneng daralan yang kapagsubukan ing tau neng agkatan ne ning sarili nang e mayap a kapagnasan

Sukat nang ikatula ning kapatad a pakakalulu nung tatas ne kabilian ning Dios