Popular Bible Verses from Genesis 35

Share

Ngana pa ning Dios, Aku ing Dios a Mayupaya. Parakalan mu la ding anak mu. E ya mu metung a bansa nune dakal la ding bansang bilugan da ring lahi mu. Maging ari la ding aliwa karela. Ibabie ke keka at karing lahi mu ing gabun a binie ku kang Abraham at kang Isaac.

Kaybat mako tamu at munta karin Betel. Karin gawa kung altar para king Dios a sinaup kanaku inyang maliligalig ku at parating matnube kanaku nukarin ku man munta.

Ngana ning Dios, Jacob ka lagyu, pero e na ka mayaus pang Jacob manibat ngeni, nune Israel. Makanyan yang meging Israel ing lagyu nang Jacob.

Inya nganang Jacob karing katubale na at karing kayabe na, Iyugse yu na la ring kikilalanan yung dios a atyu keti kayabe yu. Linisan yu ing sarili yu at miblas kayu.

Ngana ning Dios kang Jacob, Gayak ka at munta ka Betel. Manuknangan ka karin. Gawa kang altar karin para kanaku, ing Dios, a pepakit keka inyang tatakasan me ing kapatad mung i Esau.

Oneng mibili ya king panganib at mete ya king pamanganak na. Bayu ya mete inaus neng Benoni ing anak na. Oneng Benjamin naman ing pemalagyu nang Jacob a tata na.