Popular Bible Verses from Galacia 5

Share

Oneng ing bunga na ning Espiritu ya ing lugud, tula, kapayapan, kapibabatan, ganaka, kayapan, katapatan, kapakumbaban, at ing pamangawat king sarili. Alang kautusan laban kareting bage.

Paintulut yung linawan ku ing buri kung sabian! Nung ing tukian yu ya ing Banal a Espiritu, mirayu kayu king nanumang panganib a agkat na ning kekayung laman.

Ing Espiritu ya ing pasari king bie tamu, inya kailangan tamung tuki munaman king agkat na ning Espiritu.

At ding sablang atyu kang Cristo Jesus anti da nang pinaku king krus ing sablang pamitan na at marawak a buri na ning karelang pangatau.

Malino ing dapat na ning laman. Mayayakit iti king bie imoral, marinat at bastus nang dapat; king pamanyamba karing idolo at karing mangkukulam. Milaban-laban la ding tau, mipatepate la, mipapangalalu la, mipapagkamua la at mapagimbut. Mipatepate la karing miyayaliwang partido at lupung; mipapangangaria la, maglasing la, magpasasa la king manong at darapat miyayaliwang bage a kawangis da reti. Inya ausan da kayu pansin ngeni antimo kanitang minuna: ding sablang darapat king anti kareti e re tanggapan ing Kayarian ning Dios.

Kapatad ku, antimo ing balu yu na, king kalayaan karin kayu meyaus. Oneng e yu gagawan sangkan iting kalayaan ban pasakup kayu karing agkat na ning laman. Nune, pakikuanan yung ing lugud ya ing mutus kekayu king pamisusuyuanan yu.

Uling ing buri na ning laman makakontra king Espiritu at ing buri na ning Espiritu makakontra king buri na ning laman. Uli na ning maigpit dang pamilaban deting adua, maralas ing e yu atutuparan ing mayap yung kapagnasan.

Uling ing kabilugan a Kautusan mumuli ya king metung mung kautusan: Luguran ye ing kalupa yung tau antimo ing sarili yu.

Kailangan tamung lisian ing katasan lub at e ta la pasakitan lub ding aliwa at e tamu sukat mipapangalalu.

Gewa na katamung malaya'ng Cristo at buri na ing manatili tamung malaya. Uli na niti, manatili kayu sanang malaya at e yu na paintulut ing ma-ipus kayu pang pasibayu.