Popular Bible Verses from Exodo 34

Share

Linabas ya kanita ing GINU king arapan nang Moises at kilait na, Aku, ing GINU, metung kung Dios a mapaglunus ampon maganaka, e agad mimimua, at papakit kung maragul a lugud a e kukupas, at katapatan. Tutupad ku king pangaku ku karing libu-libung lahi at patawaran ku ing e ustu at kasalanan, oneng siguradu ku lang parusan ding anak da at apu at pati na ding king katlu at kapat a lahi da uli na ning pamikasala ra ding pengari da.

E kayu sasamba king isanu pa mang kikilalanan dang dios, uling aku, ing GINU, Dios kung mapangalalu, at ing lagyu ku Mapangalalu.

Ngana ning GINU kang Moises, Gawa ku ngening kasunduan karing memalen na ning Israel. King arapan da gawa kung miyayaliwang pagmumulalan a kapilan man e pa merapat nukarin man keti king yatu o king isanu pa mang bansa. Akit da kanita ding sablang taung makapadurut kekayu nung nanu ing agyu kung daptan, uling aku, ing GINU, gawa kung makapangalgal a bage para kekayu.