Popular Bible Verses from Ecclesiastes 9

Share

Gawan mu ing sablang agyu mu king nanumang pagobran mu, uling king pupuntalan mung kutkutan da ring mete ala na kang pagobran o isipan o beluan o kabiasnan.

Atin ku pang atuklasan metung a bage keti king yatu: e ding sablang mabilis mamulayi maniambut la king siglulu o ding matapang king labanan. E la ngan manakitan kabiayan ding sablang taung ating kabiasnan o mibabandi ding taung biasa o mitatas a katungkulan ding taung ating kagiwan. Uling ing kadamalasan daratang kenu man.

Magpakasaya kang kayabe ing asawa mung kekang pakamalan kabang dirinan na kang bie ning Dios king yatu, uling iti ing ablas mu keting bie a alang kabaldugan at king kekang kapagalan.

Sulung, kanan mu ing kekang pamangan at magsaya ka; inuman mu ing kekang alak ban tumula ka uling e ya tutul ing Dios.

Mas mayupaya ya ing kabiasnan kesa karing sandatang gagamitan king gera, oneng ing dapat ning makasalanan dakal ya siran a kayapan.

Mas mayap ing makiramdam karing banayad nang amanu ning biasang tau kesa king mamulyo pamuntuk king konsehu da ring taung mangmang.

Balu da ring mabie king e lumuat mate la; oneng ala lang balu ampon ala lang galal ding mete, at mekalinguan na lang lubusan.