Popular Bible Verses from Ecclesiastes 7

Share

E ka agad mimimua; ding mangmang ilang tatanam mua.

Tumula ka neng masalese ing sabla-sabla, at neng e masalese ganakan mu king ing Dios ya ing parala king kanawan at king kaskupan. Alang makibalu nung nanu ing tutuking mapalyari.

Mas masanting ya ing wakas ning metung a bage kesa king pamagumpisa na. Mas mayap ing mapibabata kesa king mapagmatas ka.

Tune alang taung sakdal a darapat mayap king sablang panaun o e bitasang magkamali.

Saupan na ka antimo nung makananu na kang asaupan ning salapi. King kagipitan sagipan na ka ning kabiasnan a atyu keka.

Mas maulaga ya ing mayap a lagyu kesa king mal a pabanglu; ing aldo ning kamatayan kesa king aldo ning kebaitan.

Mas mayap ing paniabianan na ka ning biasa kesa king purian na ka ning mangmang.

Mas mayap ing munta king bale a ating mete kesa king bale da ring taung magpiesta, uling ing kamatayan datang karing sablang tau; iti sukat itanam king pusu tamu.

Pagsadian ning taung biasa ing paniatang ning kamatayan, oneng ing taung mangmang ing isipan na kasayahan.