Popular Bible Verses from Ecclesiastes 1

Share

Nung kapilan ka biasa, kanita ka dakal a problema; itang dakal mung beluan ya ing pasari king dakal mung kasakitan.

Itang milyari king panaun a milabas ya naman ing mapapalyari ngeni, at ing milyari ya naman ing miyulitan. Alang bitasang bayu king mabilug a yatu.

Miyangganan ing sablang bage king kapagalan. E ya sasawa ing mata king pamaglawe na at ing balugbug king pamakiramdam na.

Alang kabaldugan ing sabla, wa, alang kabaldugan, ngana ning Talapanaral. Nanu mo ing pakinabang na ning taung alang patugut magobra?

Ikit ku ing sablang milyari keti king yatu, inya ing asabi ku ya iti: alang kabaldugan ing sabla; mengari kang darakap king angin.

Salasalisi ing paniatang da at paglako ding tau, oneng ing yatu manatili ya antimo ing sadia.

Alang makaganaka karing bage milyari na king milabas, at ing mapapalyari ngeni makalinguan ngan king panaun a daratang.

Pigsikapan kung pegaralan ing pamiyaliwa na ning kabiasnan ila ning kamangmangan at ing beluan ila ning kamulangan. Ikit ku king iti munaman mengari king taung darakap king angin.