Popular Bible Verses from 2 Pedro 2

Share

Inya balu na lang iligtas ning Ginu ding tapat keya king kapagsubukan a daralanan da, at balu na lang parusan ding e mayap angga king Aldo ning Pamanukum

Mayap pang e palak ing e ra na bitasang balu ing dalan na ning katuliran kesa king kaybat deng abalu gumulut la king sagradung kautusan a mibie karela. Ing mepalyari karela patutuan ne itang kasebian, Katutubu na ning asu ing balikan na ing suka na. Ing babi, agyang diluan me, magbalik ya mu rin king burak.

Pangakuanan da lang kalayaan, samantalang ila mismu ipus na la ning panugaling makasira; uling ing tau ipus ne ning nanumang makasupil keya.

Ding taung mekakilala na kang Jesu-Cristo, ing Ginu tamu at Talapagligtas, mekaligtas na la king e mayap a bubunga na ning yatu. Nung pasibayu lang marakap at madaig kaniti, ing kaulian da maygit e palak a karokan kesa king minuna rang meging kabilian.

Nung makananu kanitang minunang panaun ating linto propetang e tutu karing tau Israel, makanyan munaman ating lunto e tutung talaturu libutad yu. King karelang kabiasnan, ituru da kayu king e tutu a makasira king kekayung kasalpantayanan. Tanggian de ing Ginung migligtas karela angga king miras karela ing kapahamakan a e ra isip-isipan.