Popular Bible Verses from 2 Corinto 5

Share

Inya ing ninumang makisanmetung kang Cristo metung yang bayung lelangan. Ala na ing sadia nang pangatau; mibayu neng lubus.

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

uling mabibie tamu king pamanalig king Dios, at e karing bage mayayakit.

Ing Dios ya ing makirapat kaniting sabla. Gewa na kaming kakaluguran na king kapamilatan nang Cristo, at tilduan na kami ban gawan lang kakaluguran na ding tau. Ing panaral mi ya iti: ing Dios atyu kang Cristo at tinuring neng kakaluguran na ing tau at kelinguan na na ing kasalanan na. At pigkatiwala na kekami ing ikalat mi ya ing balitang iti.

Uli na niti, atyu kami keti bilang pekakatawan nang Cristo; ing Dios ya na mismu ing mamaus kekayu king kapamilatan mi: alang-alang kang Cristo, makikasundu kayu king Dios.

Mete ya para karing sabla ban ding mabibie ngeni e na la mabibie para king sarili ra, nune para mu kang Cristo a mete at mipasublian mie para karela. Uli na niti, ing paglalawe mi ngeni kaninuman e makatalakad king paniukad na ning tau. King milabas a panaun, makanyan ing panlalawe mi kang Cristo. Oneng ngeni e na makanyan.

Uling ing lugud nang Cristo ya ing balamu mitutulak kekami, ngening abalu ming mete ya para karing sabla at uli na niti miyayabe la ding sabla king kamatayan na.