Popular Bible Verses from 1 Timoteo 6

Share

Daptan mu ing anggang agyu mu king ligligan alang-alang king kasalpantayanan at tanggapan mu ing bie alang angga; uling para kaniti na ka inaus ning Dios inyang pisiag mu ing kekang kasalpantayanan king arap da ring dakal a testigu.

Uling ing lugud king salapi ya ing yamut ning sablang dewakan. Uli na ning kapagnasan mibandi, ating mikawani king kasalpantayanan at dinalan dakal a kaplas lub.

Wa, maragul ing pakinabang king relihiun king taung managyu na king atyu keya.

Uling ala tamung bitasang dela keti king yatu at ala tamu namang idala king paglako tamu keti king yatu.

Iyutus mu karing mabandi king e la sa mapagmaragul ni manalig king pibandian a alang kapilmian; nune manalig la king Dios a babie labis-labis king bage a makaligaya kekatamu.

Oneng ding bisang mibandi mananabu la king tuksu at mangarakap la king dakal a kamulangan at e ustung kapagnasan a pasari king karelang pangabagsak at kasiran.

Ituru mu lang dapat mayap, magpakabandi king mangayap a dapat, makabuklat a palad at mapaniaup karing aliwa. King anti kaniting paralan makatipun lang pibandian para king aldo bukas, at tanggapan da ing tune bie.