Popular Bible Verses from 1 Cronica 16

Share

Panintunan ye ing GINU at ing kayupayan na; ing pamanintun king GINU e yu sana kakalinguan.

Munie kayung kapasalamatan king GINU, uling mayap ya; ing lugud nang e kukupas manatili kapilan man.

Munie kayung kapasalamatan king GINU, maus kayu king lagyu na; sablang depat na karing tau sabian yu.

Tumula kayu uli na ning banal nang lagyu; paburen lang tumula ding sasamba king Dios!

E yu la sana kakalinguan ding milagrung depat na, at ding sinabi nang kayatulan

Magkanta kayu king GINU, pagkanta yeng kapurian; ibalita ing makapagmulala nang depat.

Uling ing GINU maula ya; sukat yang purian, sukat yang galangan maygit karing aliwang dios.

Purian ya ing maligaya nang lagyu; malaus kayu king bale na at ain ibie keya. King banal a gayak samban ya ing GINU.

Makapadurut ing ligaya ampon ing kamalan na; kayupayan at tula ing atyu king tuknangan na.

Magkanta kayu king GINU! Magkanta ka king GINU, O meto yatu! Isalita yu aldo-aldo ing pamagligtas na kekatamu!

Ing kayupayan na karing bansa sabian yu, at ding makapagmulalang dapat na karing sablang tau.

Ngana, Ding pinili ku e yu la nananan, ding propeta ku e yu la panasakitan.

Rebultu la mu ding dios-diosan da ring paganu; oneng ing linalang karing banua ya ing GINU.

E ne kakalinguan dit' man ing kasunduan na, ing pangaku na karing libu-libung lahi na.

Paburen yang tumula ing banua; paburen ing yatu magsaya ya, at pati na ing dagat ampon ing sablang atyu king GINU; sabian karing bansa king ing GINU ari ya!

Ing GINU, ing Dios ning Israel ya ing purian; purian ye ngeni at king kapilan man! Ngarang mekibat ding tau, Amen. Kaybat na nita, pinuri de ing GINU.

Purian ya ing GINU, ikong sablang tau keting yatu, purian ye ing ligaya na at kayupayan!