Popular Bible Verses from Nepalappâ 1

Share

Á yawe yù kagian ni Apu Namarò, “Sikán yù Namarò ta ngámin nga ajjan ánna yù Mamabbalin ta ngámin. Sikán yù Egga kunangan, nga awán ta pamegapu na ánna awán ta pagáddekán na, yù Makáwayyá ta ngámin,” kun na.

Sikán yù sigga-inángà nga matolay. Á sù ngaw, natayà. Ngam naginnanolayà, ta sikán yù Egga, nga matolay ta áddè ta áddè. Sikán yù mammaguray sù ira ikararuá nga egga ta gián na námmatay, ta sikán yù manangngal ta ánnúsi nayù paggianád da ta Kades.

Á pagayáyatan ni Namarò sikayu ngámin nga mabbibbik sawe libru nga meyannung sù mesimmu sangaw ánna yù ira nga magginná ta pabbibbik naw kuna, sikayu ngámin nga manángngák nga manguruk sù kagian na yawe túrâ. Ta ari mabayák, á mesimmu ngámin nga netúrâ saw.

Á pakasingak ku kâ Apu, á napalakagà ta arubáng na, nga kunnay ta natay. Á kimmâ nangà sù jiwanán nga limá na, á kinagi na nikán, “Ari ka maganássing, ta sikán yaw. Sikán yù maggiánin sù awán paga ta naparò, á sikán yù maggián lâ paga ta kabalin na ngámin. Sikán yù Olu ánna yù Kaporianán.

Á ginnán naw ta napiá, ta manoli sangaw si Apu Kesu Kiristu, nga masingan nga mappángè ta dabbuno, nga mepulù ta kunam. Á yù ira ngámin nga tatolay, masingad da ta kunam, mássiki yù ira ngámin nga namíká kuna. Á yù ira ngámin nga makkakerumá nga tatolay ta dabbuno, nga ari manguruk kuna, maraddam ira nga makkulè ta assing da, gapu ta duttál yù pamagikáru na nira. Kuruk nga mapalurò yaw. Ammán.