Popular Bible Verses from MATIYE 7

Share

«Joɓogiya, agi hin fiya, halagiya, agi hin fi lay. Cagi vun goŋga, asi hin malagi lay.

San li joɓpa ni, hin fiya. San li halla ni, nam hin fi may. Sa ma ci vun goŋga, hin malam lay.

«Sa hum boy manna, li umma, tli tammi ko sa ma wi yalna ma min ziimba kolo kay ɦinira na.

«Tlesuu agi min ana suuna lagisinana, agi lasisina na may. Ni tlesuu di ay ki hu gaɗta vi Moiz u magaara vi suu jok vun Lonna.»

Vun goŋga sana kal huruɗ a suɗ kira, ndaɗ gooro. Voɗta kal hura na keɗet daŋ. Suu tuɗ huna ka ŋgolɗi.»

«Cukugi kalafi hu vun goŋga goora. Vun goŋga sana kal huruɗ a ba kira ndaɗ ŋgol cocoo, voɗta tuɗ hura ŋgol coco may. Suu tuɗ huruɗna bolow coco lay.

Agi suu cona wi a ɦal tlesuu jivina maŋ goryogiya, Bugi ma kolo huulona ɦal tlesuu jivina maŋ suu joɓomma ni nam ɗowɗi su?

«Kaagi ɓakŋa kay ndarayaginaɗi. Sa hin ka kaagi ɓakŋa kaɗi may. Lona hin kaagi ɓak magina ko agi ka ma vi suunana na may. Nam hin mba ŋgaagi dlaagira, ko tlesuu agi ŋgaasi duk tagina na may.

Sa hum boy manna, ka li umbina, tli tammi ko sa ma giniŋŋa ma min ziimba kay ŋgetlna na.

Aŋ gol usu ma ii wayaŋŋana ɗow ni, ka gol gu ma iriŋŋa ki fok jewɗi amege? Aŋ di wayaŋŋa ana, Hinin an tlaŋ usu ma iriŋŋa kiyo, ni gu ma iriŋ taŋga aŋ ka wambi may ni amege?

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na. Agi wasi ni u vuɗusiya. Aŋ sana ndoɗ vuɗ gamma a wayvirna su? Hin ndoɗ vuɗ tulumma a wayara su?

Gu ma jivina vuɗ ni jivi may, gu ma cona vuɗ ni co may.

Gu ma jivina vuɗum jivi may, gu ma cona vuɗum ka co may.

Gu ma vuɗum ka jiviɗina, kaam kiyo, ŋgalam ki kura.