Popular Bible Verses from DLAŊ LEVIRA 26

Share

An hin tuɗ ni u agiya, anni a Loogina, agi ni a suu mansina may.

an hin sagi mbo lona ga u voɗomu, tlena hin jivigi kay ndaŋgara cocoo, ŋgusugi magi suu hu senenana hin vuɗ jivi lay.

«Lini agi li u gaɗ manda, lini agi humun kaɓak manna jiviya

An ɦagi heɓpa hu mbas magira. Agi buu ni va ma mba ŋgenegi hu ziigi kaɗi, vabakgi suu cona an dikisi ki hu mbas magira, duu ka hin li hu mbas magira oloɗi.

An mbuɗ irinni egegiya, an hin zulugi cocoo, njafagi hin zula. An hin li galam manda u agira na gak gak.

Anni Yawe, Loogina, ma suɗugi ay ki hu mbassa Egiptera kay a agi li a suu masi suu sunusina oloɗi. An kaagi jug ma kelegina ay ki ni anu, agi mbuɗ tuɗ yagi ki tlii kolo ni unu.»

An hin kakŋi dukugiya, an ka hinigi ki kay tagiɗi.

Yawe di ana, «Goɓogi loogi suu ɦawanaɗi, ceɗegi tlesuu agi a goɓ fokosi ko Lonana naɗi. Hu mbas magira ni ceɗegi ɦini mayra suuna a goɓ fokoɗta kalaɗ ay huɗi, goɓogi fokoɗɗi lay, kay anni Yawe, Loogina.

Wa ma gasamma bay daɓ tira tu may ni agi gijaŋ feɗ ni ma cukunina gaw. Agi hin cuk ma basina ki ga a hal lina kay ma feɗem ay wilina.

Suuna dukugi vadl ni dik suuna kis, suu kisna dik suuna bup bup doogo, suu babali magisina hin cuk kaŋga fok kawi magina.

Wana hin lagi ŋgol cocoo, kogi daɓ ki eg lira lam vora may ni jok vunugi ni eg gugutlura gaw, kogi daɓ eg gugutlura mayna til ma zaa njafna gana ni mbaay gaw. Agi hin ti jiviya, hoɓogi lay, agi hin lakŋi u heɓpa hu mbas magira.

Agi hin dik suu babali magisina, asi ka ndak a col ay fokogiɗi.

Gologi buu ma vi Lonna jiviya, ŋgaagi Zira Tokka manda teteɗta jiviya, anni Yawe.