Popular Bible Verses from JAK 3

Share

Ne mayra col ay kolo dayra va co ka egeɗɗi. Ndaɗ mba heɓpa, jivira, oora u jivira huruɗta, hin tak sunda jivira may. Ɓorow iira u mbambara kaɗi.

Na ni sa ma yalna u nera kom lay ka dukugi su? Nam takasi ki u poy mamba jivira, u sun mamba nam laɗta, u ɗigilla, u neemba gige.

Suu min heɓpa egesina zaa ni heɓpa may. Va ma asi hin a famma ni iiri mayra ɗegeera.

Li ma honira u saara ciwayra ka huna, ni dlara dadamba u njaf cora halaŋ ka hu may.

Aygi gi deɓ Bu Suuna Buygi ni u ndaɗu, gi vunna maŋ suu Lona minisi ko tamba nana ni u ndaɗ lay. Boy ma gideɓpa u boy ma givunna halaŋ kal ay ki ni hu vun ma dewna. Gorsenna dla ndaɗta wanni ka a li naɗi.

Sinda ni ko kura na. Ndaɗ ni duliyara cora ka duk mbalataygira. Ndaɗ ɓeŋeygi tliwiygi ki halaŋ u cora. Ndaɗ tum kura huruygiya. Ku ndaɗta col ay ni hu ku mayra ka daɓ kiɗira gaw.

Sa warna ka ndak a ɦeɓ sindaɗi, co ndaɗta wanni sa ka ndak a doo tam kaɗɗi, ndaɗ oyra ni u tlesuu ci maɗna.

Gorsenna, zulugi tagi ki a suu haɗ suuna belɗi. Agi wi anaba ami suu haɗ suuna hin fi ɓakŋa ni co su suu daŋŋa.