Popular Bible Verses from JAK 1

Share

Gorsenna, njaf ndemba fagi zeɗ zeɗta agi ŋgaɓaɗ ni ko furira na ɗow. Lini agi wi ana viigira ka mbuɗ maŋi ko ndembaɗi ni, ndaɗ hin zul fokŋi u lalamba.

Lini sa maa dukugi neemba kaɗi ni nam joɓ Lona kaɗu, nam hin ɦamba. Lona ɦal tlena maŋ suuna halaŋŋi u min mamba jivira.

Gorsen suu an minigina saaragi kay boy ma wanna, gegelay ni hum zak, di zakgi, li ya zakgi lay.

Gologi jiviya kay lalam magi ndaɗta mba tak dlara jivira ki cocoo, kay agi mba kaɗak ki hu vaɗi.

Ganyam tagi u humba hum Boy Lonana u furira ɦawaɗi, li ummi lii na ɗow.

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

Kay sa hum boyna ka li umbina, nammi ko sa ma gol tam hu kotoromma wi tam ana nammi nana. Nam gol tam wa commi, ŋgoo dagan humum maa ki kay tammi na zak gaw.

Vira gasi u voɗoɗta, ta Lona Buna goloɗ ko bay cora egeɗta na, ni gol gor suu kuyuna u boyogi suu donona hu wihaw masira jiviya, gol tam jivi ko dlara hu duliyara ka mbuɗ tam njenjeɗi may.

Sa ma ndemba ndememma di ana, «Lona ndemenni namu,» naɗi, kay mege Lona ka ndem saɗi, dla cora ka ndemembi may. Ndemba ndem sana ni saa mamba cora tuɗum hu ni ndaɗu.

Wayagi ma hawra geleɗ Lona kay wulla Lona wulumba.