Popular Bible Verses from KALKIRA 7

Share

Yawe di Moiz ana, «Gola, an coloŋ fok Farawni ko loomma na. Wayaŋŋa Aaronni a saaŋ ma jokon vunuŋ kina may.

May ni an hin so huu Faraw, an hin zul dlara mbuɗ mbuɗta u takka zeɗ zeɗ bolow hu mbassa Egiptera. Faraw hin ka a humugi vunugiɗi, an hin tin kon kay mbassa Egiptera, an hin cuk suu mansina ki u eŋga suu man suu Israelna ki hu mbassa Egiptera.

Suu Egiptena hin wi ki ana anni Yawe, hu li ma an tin kon kasi wa a cuk suu mansina ay ki dukusiya ni suu Israelna.»

May Faraw yi suu mam suu wi yalna u suu tin garira u suu li kumuna ay may, Asi li dlara mbuɗta ko ndaɗta na may. Gegelay gi tokolo mamba ga na ni ndaɗ mbuɗ ki dragoŋŋa gaw may. Na may tokolora vi Aaronda likisi masira ki halaŋ.

Yawe njaɗ ay ana, «Cemi wanda aŋ hin wi ki ana, anni Yawe. Gola an min waɗ mbo lumma u tokolora kawi kon wanda mbona hin mbuɗ ki busuna.

«Lini Faraw ka ɓakagiya ni agi li dlara mbuɗta. Aŋ di Aaron ana nam gi tokolo mamba ga fok Faraw, ndaɗ hin mbuɗ ki guyna.» Moiz u Aaron mbay vi Faraw, li ko Yawe dasi ayra na may. Aaron gi tokolo mamba ga fok Faraw u suu mam suu sunda, tokolora mbuɗ ki dragoŋŋa.