Popular Bible Verses from Roma 7

Share

Ta dale yo gracias con Dios cay ya salva le conmigo por medio di Jesucristo el di aton Señor! Entonces el di mio situacion ansina gayot: puede yo sigui con el ley de Dios con mi pensamiento lang, pero el di mio mal naturaleza amo el que ta causa con el di mio cuerpo para continua peca.

Sabe man gayot yo que deporsi nuay bueno ta sale na mi mal naturaleza. Masquin ta desea yo hace bueno, el malo man yo ta hace siempre.

Y el maga cosas bueno que quiere yo hace, no puede; sino el maldad que no quiere yo hace amo gayot el cosa yo ta hace.

Si ta hace yo el cosa contra na mi querer, claro ya gayot que hende yo el quien ta causa conmigo para peca, sino el pecado adentro na mi corazon.

Poreso ta discubri yo si cosa ta pasa na mi corazon, que masquin quiere yo hace bueno, no puede, cay ta puede lang yo sigui hace el maldad. Quiere gayot yo hace el cosa ta habla el ley de Dios con todo mi corazon

Si no quiere yo el maga cosas malo que ta hace yo, entonces ta admiti gayot yo que el ley de Dios justo y bueno.