Popular Bible Verses from 'Anga'anga 20

Share

Nā roto i te au rāvenga rava rāi i 'akaāri'ia atu ana e au ki a kōtou na, kia tauturu kōtou i te aronga 'āpikepike e tikāi nā roto i te 'anga'anga mei tērā te tū; ē kia 'akama'ara katoa 'oki kōtou i te tuatua a te 'Atu kō Iēsū, tāna i 'akakite atu ē, ‘'E ngari ake te 'ōronga atu i te 'āriki 'ua mai.’ ”

Inārā, i tōku manako'anga, kāre 'e pu'apinga tōku ora'anga, māri 'ua, kia 'akaoti 'ua au i tāku 'anga'anga, ē kia 'ākono au i te tao'onga tei rauka mai i āku mei kō mai i te 'Atu ra ko Iēsū: koia 'oki, kia 'akakite 'ua atu au i te tuatua meitaki o te aro'a 'ua o te Atua.

E tiaki meitaki i a kōtou 'ua'orāi ē te 'ānana katoa; nā te Vaerua Tapu 'oki i tuku mai i a kōtou ki runga a'o i te reira 'ei au arataki. E 'ākono meitaki i te 'ēkālēsia a te 'Atu, ko tā Iēsū i rauka mai nā roto i tōna 'ua'orāi toto.

“Ē i tēianei, tē tuku atu nei au i a kōtou ki te Atua ē ki te karere o tōna aro'a 'ua, ko tei tika i aia i te 'akamātūtū i a kōtou ē i te 'ōronga mai i te tu'anga nā kōtou ē te aronga rava rāi i 'akatapu'ia.