Popular Bible Verses from Kumbukumbu 30

Share

Sambi nomwing'hani musagule ugima hebu ifa, kutemeligwa mate na Mulungu hebu kuduwiligwa na Mulungu, na notanga ulanga na isi viwe wakalangama wa usaguzi womutenda. Saguleni ugima muladi mukale. Mulondeni Mndewa Mulungu, Mulungu wenu, mumtegeleze na mumuhuwile yeye, maabaho mweye na wanenu mwizakala siku nyingi muna iisi ija iwalaganiligwe wasaho zenu, Bulahimu na Isaka na Yakobo.”

One muhazindilila malagilizo ya Mndewa Mulungu, Mulungu wenu yonimwing'hani diyelo, muhamulonda Mndewa Mulungu, Mulungu wenu na kusondelela nzila zake na kuzindilila ndagilizi zake na malagilizo yake, mwizakala na kongezeka. Nayo Mndewa Mulungu, Mulungu wenu kezamtemelani mate muna iisi imuhita kuisola.

“Diyelo nomwing'hani musagule yanogile hebu yehile, ugima hebu ifa.

Siivo, mbali usenga uno wahabehi ng'hani na mweye, wamuna imilomo yenu na muna imizoyo yenu muladi mudahe kuuzindilila.

Mndewa Mulungu, Mulungu wenu, kezaisafya mizoyo yenu na mizoyo ya wanenu, muladi mumulonde yeye, kwa mizoyo yenu yose na kwa mihe yenu yose, muladi mukale.

Mndewa Mulungu, Mulungu wenu kezamtemelani mate, mwizakuwa na wana wengi na ng'ombe wengi na migunda yenu izalava mazao. Kwaviya kezanogelwa kumtemelani mate fana viya viyalondile kuwatemela mate wasaho zenu

One hamuzindilile na kulema kutegeleza na kulongozigwa kutambikila milungu imwenga, nomgong'ondelani diyelo kuwa mwizanangigwa. Hamwizakala siku nyingi muna iisi yomuhita kuisola, kuumwambu wa lwanda lwa Yoludani.

“Malagilizo yonimwing'hani diyelo siyo madala, hebu hayeli kutali na mweye.

Hayeli kuulanga mbaka mulonge, ‘Yelihi yondayakwele mbaka kuulanga yachigalile muladi chiyahulike na kuyazindilila?’

Wala hayeli kuumwambu wa bahali mbaka mulonge, ‘Yelihi yondayaloke umwambu wa bahali yachigalile muladi chiyahulike na kuyazindilila?’