Popular Bible Verses from 2 Wakolimso 4

Share

Kwaviya cheye hachilola vinogile vinhu viya voviwoneka, mbali vinhu viya haviwoneka. Kwaviya vinhu viya viwoneka, vokala kwa lusita muhala. Mbali vinhu viya haviwoneka bule vokala siku zose.

Ivo hachibwela kuchisogo bule, hata fana ng'huli zetu zolala mbali mihe yetu yotendigwa ya sambi chila siku. Kwaviya uzidilwa wochipata ni ndodo na lusita muhala, wochisasalila utunhizo wa siku zose wokuwa unoga kufosa uzidilwa uno.

Chogazigwa banzi zose, mbali hachididimizwa bule, chokwazanywa mbali hachibwela kuchisogo, kuna wehi wengi, mbali hachilekigwa chiidumwe bule, na chogwisigwa, mbali hachibanangigwa bule.

Iviya cheye chili na ngama ino muna iviya va nongo kulagusa kuwa ludabwa ulo lukulu lolawa kwa Mulungu na si kumwetu cheye wenyewo.

Imwe wa milungu wa isi ino kauguma ziza ubala wawo, sekewadahe kulola bung'hulo da Mbuli Inogile ya utunhizo wa Chilisito, yeye yeli sisila da Mulungu.

Kwaviya Mulungu yoyalongile, “Bung'hulo dimwemwese kulawa muna diziza,” katenda bung'hulo jake uchanyha ya mizoyo yetu muladi chidahe kumanya utunhizo wa Mulungu kwa kumulola Yesu Chilisito.