Popular Bible Verses from 1 Wakolimso 13

Share

Munhu yeli na ulondo kofunya umoyo na kotaza, kabule migongo hebu matopa na haigoda. Munhu yeli na ulondo hapuwa hishima na hazahila faida yake mwenyewo na hakawa kupata ludoko na hapeta yehile.

Munhu yeli na ulondo wokwehula yose, kololela yose, kohuwila yose, na kofunya umoyo siku zose.

Munhu yeli na ulondo hadeng'helela yehile, mbali kodeng'helela yanogile.

Vinhu vino vitatu vokala siku zose, uhuwilo na lolelo na ulondo. Na dili kulu kufosa yose ni ulondo.

Ulondo wabule uhelelo. Usenga wenyewo wolotela wizaleka, na ulonzi wa kwazanya wizaleka kulongigwa. Vose vochivimanya vizabanangigwa.

Nodaha kulonga ulonzi wa wanhu na wasenga wa kuulanga, mbali one nabule ulondo niye nilinga fana dizi da mbugi hebu da pegwa.

Nodaha kuwa na chitumetume cha kulotela usenga wa Mulungu, na nodaha kuwa na umanyi wose na kuvimanya vinhu vose vifisigwe, nodaha kuwa na uhuwilo wa kudaha kuhamiza migongo, mbali one nabule ulondo, niye si chinhu.

Nodaha kulava chila chinhu chonilinacho, na kuweng'ha ngayengaye, hata kulava lukuli lwangu lulunguzigwe na moto, mbali one nabule ulondo, iyo haifaya chochose kumwangu.

Vinikalile mwana nilonga fana mwana, nivimanya fana mwana, nigesa fana mwana. Viniwile mkulu, mbuli za uwana nizileka.