Popular Bible Verses from Luke 4

Share

“[Asaya-ni i-sipa nimba mele:] “Auliele-nga Minéle na-kene molemále yunu-ni nandu nimba mele: “Yambu-korupama temani kaiéle toku siku, ka-lkuna pelemelé yambumandu ‘Wendu oku we molangi.’ niku, mong kis lili yambumandu ‘Mong kaí lipili kanangi.’ niku, mindili noku molemele yambuma ‘Mindili naa noku, molku konjangi.’ niku, ‘Ekupu puniena Auliele-ni yambuma kanupa kondu kolumba puniele wendu okum.’ niku silsiliiku andui.” nimba Minéle-ni aku-sipa yi te makó topa kene nirim.” nimba Asaya-ni nirim.” nimba Yesos-ni aku-sipa bukna kambu topa nirim.

Kanu-kene Yesos-ni depollalendu nimba mele: “Pulu Yili-nga bukele-ni nimba mele: “Pulu Yili eninga Auliele mindi niku popu toku bi paka tonjuku, yunga kongunale mindi tenjiku molai.” nimba molemú kanili.” nirim.

Akiliinga-pe yu-ni pundu topa nimba mele: “Pulu Yili-nga bukele-ni nimba mele: “Langima-ni mindi yambuma kona mululi ulu-pulele naa silimú.” nimba molemú kanili.” nirim.

Yesos [no liirim kene] Mini Kake Tiliele-ni yu-kene omba molupa yunga numanuna molupa aima peka turum-na no Jodan mundupa kelepa kene, Mini Kake Tiliele-ni yunu kolea-wakana memba purum.

Yesos-ni yundu pundu topa kene nimba mele: “Pulu Yili-nga yambumandu ung te wasie nimba molemúko. Akili i-sipa mele: ‘Pulu Yili eninga Auliele-ni “Tembu.” nilimú mele ‘Sika nilimúnje mola gólu tolemúnje kanamili.’ niku eni yu manda leku naa teai.’ nimba molemúko kanili.” nirim.

Depollale-ni Yesos kundi topa manda lepa pora sipa kene, ‘Penga yunu alsupu kundi tombu ena te nondupa piliipu kene kelepu ombú.’ nimba yu mundupa kelepa purum.

Kanu-kene depollale-ni Yesos yunu liipa memba pupa [ma-pangi] aima ola-kilia tenga monjupa kene, yunu ma-koleama pali walsekale liipa ora sipa kene, yunundu nimba mele: “Kolea imanga pali tondulale kene méle kaíma kene Pulu Yili-ni nandu “Nukui.” nimba kórunga sirimele. Ima na-ni ‘Yambu te simbu.’ nindu lem kapula simbu. Nu na popu tokunu nanga bili paka tunjúnu lem tondulu ili kene méle kaíma kene pali nu liani simbu.” nirim. Kanu-kene Yesos-ni depollalendu nimba mele: “Pulu Yili-nga bukele-ni nimba mele: “Pulu Yili eninga Auliele mindi niku popu toku bi paka tonjuku, yunga kongunale mindi tenjiku molai.” nimba molemú kanili.” nirim.

Kanu-kene depollale-ni Yesos liipa memba kolea-auli Jerusallem pupa, [Pulu Yili popu toku kaluring] lku-temboll imuna memba, aima ola pupa monjupa kene, yundu nimba mele: “Nu Pulu Yili-nga Málale lem nu liipa tapunjupa tepa liimbáliinga pu-nikunu mania pui.” [nirim.] “Pulu Yili-nga bukele-ni nimba mele: ‘Pulu Yili-ni yunga angkellama-ni ‘Nu oku nokangi.’ nimbá. Enini nu ‘Ku te-ni kepe naa tupili.’ niku nu eninga kima-ni oku kanglku liingí.’ nimba molemú kanili. Aku-sipa nirimaliinga piliiku kene aku-sikunu ti.” nirim. Yesos-ni yundu pundu topa kene nimba mele: “Pulu Yili-nga yambumandu ung te wasie nimba molemúko. Akili i-sipa mele: ‘Pulu Yili eninga Auliele-ni “Tembu.” nilimú mele ‘Sika nilimúnje mola gólu tolemúnje kanamili.’ niku eni yu manda leku naa teai.’ nimba molemúko kanili.” nirim.