Popular Bible Verses from 1 Peter 3

Share

Eninga numanuna ‘Krais yu mendepulu molupa, yunga ungele mendepulu piliipu liipu tepu molamili.’ niku ‘Yu mindi oliunga Yi-Auliele mulupili.’ niku [yu mindi mundu-mong tenjai]. Kanu-kene eni aku-siku teku ena kaí wendu ombá enale nokuku mulungí kene yambu te-ni kanupaliinga, “Eni aku-siku nambimuna teku molemeleye?” nimba walsipa pilíímu lem eni anju ung te pundu toku eninga ulu telemelemanga puluma niku singí mele liiku sumbi-siku molai. Akiliinga-pe puluma niku singíndu ung tondulu munduku niku teku pipili naa konjuku kene táka-niku ung niku liiku sumbi sai. Eninga numanuna ‘Ulu-kis te aima naa pípili.’ niai. Penga eni Krais piliiku ambolku kene molku kaí telemele mele ulu kaniliinga yambuma-ni “Eni teku kis-silimele.” gólu toku niku eninga ung-bulkundu ninjingí kene eni ulu-kis te naa pípili mulungí-na yambu kanuma pipili kulungí.

Ulu-kaí akuma nambimuna aku-sipa tipiliye? Akiliinga pulele niambu: Auliele-ni yambu ulu sumbi-nílima teku molemele yambuma kanupa kaí piliipa, enini yu-kene popu toku mawa teku ningí ungma taki-taki kum lepa molemú, akiliinga-pe ulu-kísima telemele yambuma liipa bulu silimú akiliinga yu-ni aku-sipa tipili.’ nimba bukna molemú kanili.

‘Oliu ambu kaíma kanuku niangi.’ niku kalkundu [mindi] au siku pengima lapise meku, ku-gollu-ni tili méle kaíma numina leku eninga mulumbalemanga moku toku monjuku, mulumbale kaí ku-moni auli pulimúma pakuku, naa teai. [‘Oliu ambu kaíma kanuku niangi.’ niku kene] méle aima kaí, kis naa lembama-ni eninga numanuna sukundu au sai. Méle akuma eni numanu kaí pepa, numanu tiluna pupili táka-niku mulungí ulele. Ulu akili kanupa kene Pulu Yili-ni ‘Méle aima kaí olandupale.’ nimba kanolemú.

Niker ung akiliinga ung te [Pulu Yili-nga bukna sukundu molemú akili] i-sipa mele: ‘Yambu te-ni ‘Na kapula molupu, numanu sipu molambu.’ nimba kene yu ‘Ung kis te naa nimbu, gólu naa tambu.’ nimba yunga kerale nukupiliko. Ulu-pulu-kísma mundupa kelepa liipa bulu sipa ulu kaíma tipiliko. ‘Yambuma-kene numanu tiluna puli ulu-pulele pípili.’ nimba ulu akili tondulu mundupa korupa andupa molupa kene liipiliko.

“Eni pali [aku-siku teku molai.” nikereliinga] ung te wasie enindu kamu niambu: Eni eninga numanuma ‘Tiluna pupili kapula-kapula molamili.’ niku kandi-anginipilima-ni anju-yandu kondu kolku numanu monjulemele mele aku-siku eni anju-yandu [Krais-nga yambuma] ‘Oliunga anginipilima.’ niku kondu kolku numanu monjuku, liiku tapunjuku, ‘Eninga bi ola-mele mulupili, oliunga bi mania-mele mulupili.’ niku táka-niku yambumanga ungma piliiku molai. Yandu eni-kene teku kis-singí kene anju pundu toku teku kis naa sai. Yandu ung-mura siku ung kis te ningí kene anju pundu toku ung-mura siku ung kis te niku naa teai. Yandu eni teku kis-singí kene anju ‘Tepu konjupu liipu tapunjamili.’ niku ‘Pulu Yili-ni enini tepa konjupa, ‘Enini numanu siku molku konjangi.’ nipili.’ niku Pulu Yili eninga niku mawa tenjai. Ui Pulu Yili-ni “Eni liipu tapunjupu tepu konjambu wai.” nirim akiliinga eni aku-siku yambuma liiku tapunjuku teku konjai.

‘Ulu kaíma mendepulu teamili.’ niku mulungí kene nae-ni eni mindili liipa simbaye? [Yambu te mólu kanili.]

Ulu-pulu-kísma mundupa kelepa liipa bulu sipa ulu kaíma tipiliko. ‘Yambuma-kene numanu tiluna puli ulu-pulele pípili.’ nimba ulu akili tondulu mundupa korupa andupa molupa kene liipiliko.

Pulu Yili-ni ‘Oliu mindili nangi.’ nimbáliinga ulu-kaí te tepu kene mindili númulu lem kapula; oliu ulu-kísima tepu kene mindili númulu lem kis; akiliinga [aku-siku numanu kaí pípili molai].