Popular Bible Verses from 1 Corinthians 6

Share

‘Eninga kangima Mini Kake Tiliele-nga lku-sulumina kake tiliele. Pulu Yili-ni Mini kanili eni sirim liiring, eninga numanuna molemú.’ niku naa piliilimiliye? Akiliinga eni-enini naa nokolemele; [Pulu Yili-ni] méle aima auli te-ni eni taropu topa liirim. Aku tirimeliinga eninga kangima-ni [ulu telemelema] Pulu Yili-nga bili paka tonjuku kape niai.

Teku kis-silimele yambuma Pulu Yili yi nuim kingele molupa nokulemú koleana sukundu manda naa pungí akili eni naa piliilimiliye? Ung niker ili mimi-siku piliai. Aima gólu naa tokur: Wapera anduku tolemele yambuma kene, we-mélema angnjiku ‘Oliu nokolemele pulu-yima.’ niku popu toku mélema kalku silimele yambuma kene, yi tenga ambale mola ambu tenga yili kene waperanale telemele yambuma kene, yima eni-enini waperanale teku, ambuma eni-enini waperanale teku, telemele yambuma kene, wa nuli yambuma kene, yambumanga mélema kanuku yama meli yambuma kene, no noku kelep tuli yambuma kene, yambumanga ung-bulkundu ninjili yambuma kene, gólu toku yambumanga mélema liilimele yambuma kene, aku telemele yambuma Pulu Yili-ni yi nuim kingele molupa nokulemú koleana manda suku puku naa mulungí. ‘Ung kanili gólu tokum. Ulu kanuma temulú kene ulu te naa temba.’ niku naa piliai!

Waperanale tili ulele kene nondupa puku naa molai. Yambu te-ni we ulu-pulu-kis telemú akuma-ni kangiele ulu te naa telemú, akiliinga-pe yambu te-ni waperanale telemú kene yunga kangiele yunu tepa kis-silimú.

[Eninga buni te wasie pelemú akiliinga ung te niambu: Yambu mare-ni niku mele:] “‘Na-ni ulu te teambu.’ nimbu piliindu lem manda tembu.” [nilimele. Akili sika ung-manima-ni pali eni naa nokulemú] akiliinga-pe ‘Ulu telemelema-ni pali eni naa liipa tapunjilimú.’ niker. “Uluma pali sika kapula tembu. Ung te-ni na kapula pipi naa simba.” sika aku-siku manda nilimele akiliinga-pe ‘Na méle-teni tondulu mundupa nukupili. Na méle-tenga kendemandele molumbu.’ naa nimbú.

Pulu Yili yunga tondulale-ni Auliele-nga [kangi kululiele] topa makinjirim, aku-sipa mele oliunga [kangima] kepe penga topa makinjimbako.