Popular Bible Verses from Roma 1

Share

Wil aduwənna darban Labara Nenek na Maŋgəlva ɓa, vi sembe na Maŋgəlva taya dəvən. Labara nan waɓap wəkoh git ɗii məs dətafən pakə, anet Yahudiyenɗe adawkoh git dabəŋ, asna ɗii məza Grekɗe ɓa kana.

Vi də Labara Nenek vani Maŋgəlva arbana də wətafi ɗəf adawsan təstəs abani, daga wətəŋ nani, ha gap wəgrak nani: Va məverin adəv ɗerewel anah na: Say də wətafi ɗəf adawsan təstəs aba Maŋgəlva, ɗəf nan wasan də zeŋgille vi ətaf nani.

Gesiŋ ɗəf tay dədawɓap ula Maŋgəlva ɓa, amma daga azəməɗ dəlva, sembe nani dəkpak nan pak arban sitik ɗii də wəza nani. Vi wənnani ɗii tahəŋ də tive nawnah na məsən ɓaɓa.

Asənənək Maŋgəlva, amma də gakdakanən va an dəslə ɓa, dəɗɗaŋ sənən soko ɓa. Vi wənnani kana, wəɗum net akpaŋgək dərwa, makret mbrayeni aknahək də guzliyo.

Akpaŋganənək goŋga na Maŋgəlva ka tepelke, azuliyaŋ sənənək zəga məs Maŋgəlva agəɗe, də wəgəɗ sən wəza apanənək ɗəf məs dəɗɗa zəga van dərəŋ, aslək wəgakdakan anan ha faɗə. Amin.

Əda gədəv na Maŋgəlva arbanək zən daga sə disiŋ, gədəvən adək aka mambray də ɗarɗar an məs ɗii adaɗɗaŋ pakə, dəsbanən an Maŋgəlva aŋgəl ɓa. Mambray net aɗamanək goŋga na Maŋgəlva.

Vini Maŋgəlva apet adəv wəsim zəga na wil netiŋka. Gil net bo, akpaŋganənək wəvoŋ an dəslə, də an məs dəslə aza ɗəf ɓa. Vaski bo, zel apanən wəvoŋ dit gili, say əvoŋ dit zel tusso, vaski kan adaɗɗanən zəga na wil nani. Warəhaŋ kita va an dəslə aza mambray net an adaɗɗaŋ. Adan dəŋglaŋ wəsən Maŋgəlva ɓa. Vini Maŋgəlva apet dəɗɗanən gən wəɗum mbrayen neti, dəɗɗanən gən an məza tay lew ɓa.

Yaŋ adaw kaɓaŋ, azet na asənaŋgək zega, amma akpaŋgaŋgək dərweŋge. Dəngereŋ wəzuliyaŋ kaw gakdakan Maŋgəlva məs amta ɓaɓa nɗəɗaŋ dal əzuli sit fotoɗe net ɗii mimtiti, dit biŋgeɗi, dit zigeɗ mamayeɗi, gəm zigeɗ məkroketi.