Popular Bible Verses from Oroomanak 2

Share

Kiin itahsh peshikwan kitashi‑ishihcike kaashinaanaakaci'atwaa kiicipimaatisiik. Kitinentam ina tahsh cioshintaman keinaahkonihk Kishemanitoo? Kaawiin maawiin aahpici kisaapentamowaahsiwaanaatok ehpiihciminotootaaketc Kishemanitoo ehshashiipi⁠tipaahkoniwetc, kinwesh ehshashiipenimihk. Kehcinaac kitaakihkenimaa aaniin wenci minotootawihk ewiihkakwe⁠ishiwinihk kwehkaatisiwinink.

Kiin itahsh niicipimaatis, kinaanaakaci'aa na kiicipimaatis? Kaawiin kiin kikakiikitohtamaasohsii ishihcikeyan, awenen kiin tenowiwanen. I'imaa eshimacakimatwaa pehkaanisiwaatc, peshikwan tahsh ishihcikeyan wiinawaa kaatootamowaatc, kaye kiin iitok i'imaa citakwakintisoyan.

Aaniihsh mihcipeshikwanini i'i kaaoncitipaahkonaatc Kishemanitoo kahkina awiyan.

Kaawiin aaniihsh i'imaa e'mihcinoontamowaatc Inaahkonikewin kaainahtenik otoonci‑inakimikohsiiwaan e'minowiiciiwaawaatc Kishemanitoon, i'imaa ehta ehtootamowaatc i'i kaainahtenik otInaahkonikewinini.

Kahkina awiyan tahsh kwayahk owii'ishitipa'amawaan aaniin kaa'ishihcikenitc.

Ikiweniwak itahsh pehkaanisiwaatc wiinawaa ko ehta wiihkakwe⁠minotootaasowak, e'otaahpinansikwaa kaakwayahkwaninik, nawac i'iwe ewii'noocihtoowaatc kaakwayahkonaakwahsininik. Miiwak iki kekihcitipa'amaakowaatc Kishemanitoon onishkentamowininiink.

Kiin itahsh wawiinke kishashiipihtam. Kitishinankinamaas awahshime cikosikwahk kitipa'amaakoowin, mii 'iwe keishihsek ahpii ishikiishikaninik Kishemanitoo naakohtootc eshinishkentank maci‑ishiwepisiwin i'i kaye ahpii kaawii'ishinaakwaninik kwayahk iko ewii'ishitipaahkoniketc.