Popular Bible Verses from Maarhk 5

Share

Miitahsh kaa'⁠inaatc a'a Ciisahs ini ihkwewan: “E'⁠ahpenimonotawiyan kitoonci minoayaa. Animaacaan, minwentan. Kaawiin keyaapi kika inaahpinehsii,” okii'-inaan.

Peshik itahsh ihkwe i'imaa mekweya'ii kii'⁠ayaa. Mitaahswahshiniishoyahki (12) kii'⁠miskwiiwi e'⁠nehpici ishiayaatc. Aanciko tahsh kii'⁠wiihsakaahpine aanakii'-antawi'ikotc niipiwaa mashkihkiiwininiwa'. Wiinke tahsh okihcaakinaan kahkina oshooniyaaman minihk eyaawaakopanen. Kaawiin itahsh awahshime kii'ani minoayaahsii, aaniihsh awahshime kii'ani aahkosi ahpiihc nihtam kii⁠maataahpinetc.

Miitahsh shemaak iko kiih⁠kipiskwakisi. Okii'-mooshihtoon wiiyawink ekii'-minoayaatc i'i otinaahpinewin.

Miitahsh kaa'ishi sakinihkenaatc ekii'-inaatc: “Taalihta kom!” Mii'iwe e'⁠ihkitotc: “Ihkwesenhs, wanishkaan, kitinin!” okii'-inaan.

Mekwaa tahsh ehtanwewehtootc Ciisahs, aanint awiya kiihpi ontohsewak i'imaa eshitaanitc ini ininiwan kaa⁠okimaahkantaminitc i'i anami'ewikamik. Okiih kanoonaawaan ini ininiwan: “Aasha kii'⁠nipo kitaanihs. Keko keyaapi ontami'aahken a'a okihkino'amaake,” okii'-inaawaan. Kaawiin itahsh okiih papaamihtawaahsii' 'awe Ciisahs. Okiih kanoonaan itahsh ini Ceirahsan: “Keko sekisihken, ahpenimonotawihshin ehta,” okii'-inaan.

Aaniihsh Ciisahs aasha okiih kanoonaan ini maciahcaahkwan: “Nakash a'a inini, kiin maciahcaahk,” okii'-inaan. Shikwa tahsh okiih kakwecimaan: “Aaniin eshinihkaasoyan?” okii'-inaan. Miitahsh eshi nahkwehtaakotc: “Opaahtiino nintishinihkaas, aaniihsh nimpaahtiinomin,” kii'‑ihkitowan.