Popular Bible Verses from Maahtiyo 7

Share

“Kakwetwek ihsa, kika miinikoom. Nanaantonikek, kika mihkaam itahsh. Paahpaawa'ikek, kika paahkintenamaakoom itahsh.

Awenen a'a kaa⁠kakwetwetc, mii 'awe ke⁠miinintc. A'a kaa⁠nanaantoniketc omihkaan. Kaye 'awe kaa⁠paahpaawa'iketc ta⁠paahkintenamawaa.

“Miitahsh o'owe onci, awiya pisintank ono ninkiikitowinan kaye ani tootank, mii hsa 'owe keishi aawehcikaanak, eh⁠kakiihtaawentank inini kaakii'-oshihtootc owaahkaa'ikan wakicaya'ii kihtaapihkonk.

“Mii hsa 'owe onci, keishi antawenimekwaa kiicipimaatisiwaak ci⁠tootawinekwaa, mayaa mii'iwe kaye kiinawaa tootawihkok. Aaniihsh mii'iwe kaa⁠inahtenik Kishemanitoo otOonahshowewin, mii'iwe kaakii'-ishipii'ikewaatc iki Kishemanitoon kaakiih kanoocikehtamawaawaatc.”

Aaniihsh akaahsateyaa 'iwe ishkwaantem kaye sanakan miihkana kaa⁠inamok pimaatisiwinink. Akaahsiinowak itahsh iki ke⁠mihkamowaatc.”

“Oncipiintikek i'i ishkwaantem kaa‑akaahsateyaak. Mankateyaa ohsha ishkwaantem, wentan i'i kaa⁠inamok miihkana nihshiwanaatisiwinink. Paahtiinowak itahsh ikiwe 'imaa kaa⁠pima'atoowaatc.

Nashke kiinawaa aanaishimaci ininiiwiyek, eniwehk kikihkentaam kaa⁠onishihshininikin keishi miinekwaa kiniicaanihsiwaak. Kehcinaac awahshime kiTetewaa kihcikiishikonk kaa‑ayaatc oka miinaa' kekoonan kaa⁠onishihshininikin i'i kaa⁠kakwecimikotc.

“Keko macakimaahken a'a kiicipimaatis, ekaa kaye kiin ci⁠tipaahkonihsinohk a'a Kishemanitoo. Aaniin keishi kanawaapamatc a'awe kiicipimaatis, mii'iwe keishi kanawaapamihk Kishemanitoo. Shikwa wekonen i'iwe keishi tootawatc a'a kiicipimaatis, mii'iwe kaye wiin Kishemanitoo keishi tipa'amawihk.

“Shikwa miinawaa awiya kii⁠noontank ono nintihkitowinan, ekaa tahsh wiih⁠tootanhsik, ta⁠ishinaakosi taapishkoo 'awe inini kaa⁠kakiipaatisitc, kaa⁠waahkaa'iketc mihtaawankaank.

Aaniihshwiin wenci pisiskaapantamowatc iwe kiicihkiwe kaa‑akaahsininik kaa⁠pinsinitc oshkiinshikonk, shikwa kiin ekaa eh⁠pisiskaapantansiwan iwe kihcimihtik kaa⁠pimitaahkohsink kishkiinshikonk? Aaniin kaye kekii ishi inatipan kiicihkiwe: ‘Taka ninka otaahpinaan i'i kaa⁠pinsiniyan,’ kaye kiin itahsh eh⁠pimitaahkwamok kihcimihtik kishkiinshikonk?

“Ahshwiihkantawihkok iki kaa⁠wanihshimiwewaatc kaa⁠kanootamawaashihtoowaatc Kishemanitoon. Kipiotihsikook maanahcaanihshink eshinaakosiwaatc wakicaya'ii. Piincinaw itahsh taapishkoo kaa‑aahkwaatisiwaatc ma'iinkanak ishiayaawak. Mii'imaa keonci kihkenimekwaa e'⁠waapamekwaa aaniin ke⁠ishipimaatisiwaatc. Inashke kaawiin awiya omawinswaanaahsii' shoomina' ci⁠ontinaatc okaawiminakashiiwaahtikonk. Kaawiin kaye kaa⁠miicinaakaatenikin omawinswaatansiinan kaahshashkonk ci⁠ontinank.

Amiitahsh owe peshikwan, kaa⁠onishihshitc mihtik kwayahk onihtaawikihtoon kaa⁠onishihshininik kaa⁠miicinaakaatenik, a'a tahsh wiin ekaa kaa⁠onishihshihsik mihtik onihtaawikihtoon tino kaa⁠onishihshinsininik kaa⁠miicinaakaatehsininik.

'Awe kaa⁠onishihshitc mihtik kaawiin onihtaawikihtoohsiin kaa⁠miicinaakaatehsininik. Kaye 'awe ekaa kaa⁠onishihshihsik mihtik kaawiin onihtaawikihtoohsiin kaa⁠miicinaakaatenik.

'Awe tahsh mihtik kihtikewinink kaa‑ayaatc ekaa kaa⁠minonihtaawikihtoohsik kaa⁠miicinaakaatenik, ta⁠kiishkata'waa ci⁠macohte'ontc.