Popular Bible Verses from Maahtiyo 23

Share

Awiya hsa kaa⁠kihci inentaakositc, mii hsa a'a ke⁠pami'inek.

Awiya hsa kaa⁠ishpenintisotc, ta⁠tapahsenimaa. Awiya hsa kaa⁠tapahsenintisotc, mii hsa 'awe ke⁠ishpentaakositc.”

“Kika ocaanimisim, kaa⁠kihkino'amaakeyek Onahshowewin, kekiinawaa Perahsiik! Ominwaatisiihshitook! Weweni hsa kitoonci miinaawaa Kishemanitoo peshik kekoonini entahsomitaahcink kaa⁠nihtaawikihtooyek, taapishkoo kaashi miikiweyek ta⁠kosehkwaanan mint (mint) , til (dill) , kamin (cummin) kaa⁠icikaatekin. Shikwa tahsh eh⁠tootansiwek ini mayaa kaa⁠kihci inentaakwahkin i'imaa kaa⁠oshipii'ikaatekin Onahshowewinink kekiih tootamekipan. Miiwan ihsa ini weweni ci⁠onaahkonekwaapan awiyak, ci⁠koohpaasinaakeyekipan, ci⁠kishewaatisiyekipan, ci⁠tepweyentaakosiyekipan kaye. Miiwan ohsha ono kekii'-ishihcikeyekipan, ini kaye kotak ci⁠tootamekipan onahshowewinan.

“Kika ocaanimisim, kaa⁠kihkino'amaakeyek Onahshowewin, kekiinawaa Perahsiik! Kiinawaa kaa⁠minwaatisiihshihtooyek! Saakicaya'ii aaniihsh kitishi pehkihtoom kiminihkwaakaniwaan, kitoonaakaniwaan kaye. Piincaya'ii tahsh kimooshkinahtoom kekoonan kaakii'-ontinamek kimahkantwewiniwaank, kitayoonsaamisiwiniwaank kaye.

“Oo Ceroosalam (Jerusalem) ! Kiinawaa Ceroosalamink kaa‑ayaayek! Kiinawaa kaa⁠nihsekwaa kaa⁠kanootamawaawaatc Kishemanitoon, kaa⁠papiimohsina'ekwaa kaye owiintamaake' Kishemanitoo kaa⁠ishinisha'amawinek! Mooshak hsa ekii'ishi mihsawentamaan ewii'-maawantooninakook taapishkoo nooshe paahka'aahkwaan kaaishi tapinawishkawaatc oniicaanihsa' i'imaa anaami ninkwiikanink. Kaawiin tahsh kikiih pakitinihsiim.

Miitahsh peshikwan ehpiihci minonaakosiyek awiyak e'⁠waapaminekwaa. Piincaya'ii tahsh kitishite'em misiwe e'⁠minwaatisiihshihtooyek, wiinke kaye paahtiinatin macitootamowin.”