Popular Bible Verses from Maahtiyo 19

Share

Ciisahs okiih kanawaapamaa' ekii'-inaatc: “Inini wiin kaawiin o⁠taa kashkihtoohsiin o'o ci‑ishihciketc, Kishemanitoo tahsh wiin kahkina kekoonini owencihtoon.”

Kaawiin tahsh niishihsiiwak, miitahsh eshi peshikowaatc. Awenena' ihsa kaakii'-maamawiniishopakitinaatc Kishemanitoo, kaawiin hsa awiya okapahkewiniti'aahsii'.”

Ciisahs tahsh okii'-inaa': “Kaawiin ina kitanamihtoohsiim e'⁠ishipii'ikaatek, ahpii tahsh kahkina kekoon kii⁠oshihcikaatek Kishemanitoo okii'-oshi'aan ininiwan ini kaye ihkwewan? Ekii'-ihkitotc kaye: ‘Miitahsh o'oweni keonci nakanaatc ini oteten, omaamaan kaye a'a inini, ci⁠wiiciiwaatc ihsa ini wiiwan. E'⁠niishiwaatc tahsh ta⁠peshikwakinteniwan owiiyawiwaan.’

Ciisahs tahsh kii'‑ihkito: “Maano apinoonciishak ninka pi naasihkaakook. Keko wiin kipihtinaahkekwaanik. Aaniihsh miiwak ihsa iki tino pemaatisiwaatc oko kaa⁠inaatisiwaatc apinoonciishink ke⁠tipenimikowaatc Kishemanitoon.”

Iki hsa noonkom kaa⁠niikaanisiwaatc, ishkwaac ta‑ayaawak, iki kaye noonkom ishkwaac kaa‑ayaawaatc ta⁠niikaanisiwak.”

Awiya hsa kaa⁠nakatank owaahkaa'ikan, kaa⁠nakanaatc kaye wiicihkiweya', otawemaa' kaye, oteten kaye, omaamaan kaye, oniicaanihsa' kaye, komaa kaye okihtikaanahkamik, niin e'onci tootank, ninkotwaahk awahshime tahsink ta⁠miinaa, ta⁠tako miinaa kaye pimaatisiwin wiihkaa ke⁠poonihsehsininik.

Ciisahs tahsh okii'-inaan: “Kiishpin wiinke wiih⁠kwayahkonaakosiyan, maacaan, awi ataawaaken kahkina kekoonan kaa‑ayaayan, ci⁠miinatwaa kaye shooniyaan okitimaakisiik. Wenootisiwin tahsh kika ayaan weti kihcikiishikonk. Miitahsh ishipiishaahkan ci⁠piminisha'oyan.”

Ciisahs okii'ishi nahkwehtawaan: “Wekonen wenci kakwecimiyan kekoon kaa⁠sasekaawank? Mihcipeshiko ohsha kaa⁠sasekaawentaakositc. Kiishpin ihsa antawentaman pimaatisiwin ci⁠miinikooyan, tootan Moosihs (Moses) otoonahshowewinan.”

Keyaapi kekoon kiwiintamawininim, nawac taa⁠wentanini pihkwaawikanemihtatim ci⁠shiipaashkaahpan i'iweni kaashi pakoneyaanik shaaponikanini, ahpiihc wiin kaa⁠wenootisitc inini ci⁠okimaahkantaakohpan Kishemanitoon.”

Kiwiintamawininim itahsh, kiishpin inini wepinaatc wiiwan, mihsawaa ko aana pihshikwaatisihsinik, wiitikemaatc itahsh kotak ihkwewan, miihsa 'i ekiih pihshikwaatisitc.”

Ciisahs itahsh okii'-inaa' okihkino'amawaakana': “Kiwiintamawininim tepwewin: aahpici sanakanini kaa⁠wenootisitc ci⁠okimaahkantaakotc Kishemanitoon.