Popular Bible Verses from Maahtiyo 15

Share

I'iweni tahsh kekoonini kaapi onciinik i'imaa ote'ink, miihsa i'iweni keonci teahpiihtenimikohsik Kishemanitoon. Miitahsh onoweniwan kaaonci ikin i'imaa awiya ote'ink, maci inentamowinan, nihshiwewin, kaa⁠pimenimaatc pahkaan awiyan owiitikemaakanini, anoociko awiya kaashi pihshikwaatisitc, kimootiwin, kiiwanimowin, macitashimiwewin.

Kaawiin wiin awiya kaa⁠inanciketc onci inakimaahsii eh⁠teahpiihtentaakosihsik ci⁠anami'ehtawaatc Kishemanitoon, i'iweni hsa kaaonci kiikitotc otoonink onci inakimaa eh⁠teahpiihtentaakosihsik.”

‘Kishemanitoo ihkito, oko pemaatisiwaatc nintikook ehkihci inenimiwaatc. Ote'iwaank itahsh wiin nahpaac inahke inentamook kaa⁠inentamowak. Anihshaa hsa nintanami'ehtaakook, aaniihsh awahshime kihkino'amaakewak ini ininiiwi kihkino'amaakewinan taapishkoo e'⁠inwaatamowaatc ihsa ini Kishemanitoon okihkino'amaakewinini.’ ”

Ciisahs okii'-inaan: “Aahpici kimashkawitepweyentam! Miihsa ke⁠tootaakooyan kaashi mihsawentaman,” okii'-inaan. Miitahsh ahpii kaakii'-minoayaanitc ini otaanihsan a'a ihkwe.

O'o tahsh ahpii a'a ihkwe okiih pinaasihkawaan ekii'-ociciinkwanapiihtawaatc, ekii'-ihkitotc: “Taka naatamawihshin.” Ciisahs tahsh kii'‑ihkito: “Iki hsa apinoonciishak omiicimimiwaa kaawiin taa⁠minonaakwahsinoon ci⁠otaahpinamawintwaapan ci⁠ahpakitamawintwaapan iki animohshak.” Ihkwe tahsh kii'‑ihkito: “Tepwe i'i kaa⁠ihkitoyan, shaakooc itahsh animohshak omiicinaawaan ini ishkwancikanan wiihsiniwinaahtikonk kaaonci pankihsininikin kii⁠wiihsininitc i'i kaa⁠tipenimikowaatc.”