Popular Bible Verses from Cwaan 8

Share

Ciisahs miinawaa okiihkanoonaa': “Niin kaapiwaahseshkawakwaa ahkiink kaa‑ayaawaatc. A'a tahsh kepiminisha'otc kaawiin kashkiitipihkanonk tapimohsehsii,” kii'ihkito. “Oka‑ayaan waahseyaa tepwe keoncipimaatisinaaniwank,” kii'ihkito.

Kikakihkentaanaawaa tahsh i'i tepwewin, tepwewin itahsh kikapakitinikom keyaapi citipenimaakaniwihsiwek,” okii'inaa'.

Okii'inaa' i'i Coowa' kaatepweyenimikotc: “Kiishpin 'iwe anitootamek ninkihkino'amaakewin, mii 'iwe tepwe kikaokihkino'amawaakanimininim.

Kiishpin itahsh Kishemanitoo oKosihsan pakitininek onci 'iwe kaawiihkakwetipenimikoyek, miitahsh i'i tepwe keishinaakosiyek taapishkoo awiya kaatipenimikohsik awiyan.

Keyaapi tahsh ehkakwecimikotc kiihtashokaapawi, mii 'iwe ekii'inaatc: “Awiya kiinawaa ekaa wiihkaa meci‑ishihcikehsikwen maano miiwa'a niikaan okapimwahsina'aan,” okii'inaa'.

Ciisahs tahsh okii'inaa': “Tepwemakan o'o kaaininakook, awiya e'maci‑ishihciketc otipenimikon i'i macihcikewin.

Ciisahs ehtashokaapawitc okii'inaan ini ihkwewan: “Aanti ahpan iki kaawiihtipaahkonihkwaapan? Kaawiin inahsh awiya nipowinink kikainakimikohsii?” Miihsh kaa'ikotc ini ihkwewan: “Kaawiin awiya.” Ciisahs itahsh 'owe kii'ihkito: “Kaawiin tahsh keniin kikainakimihsinoon. Animaacaan,” okii'inaan. “Keko miinawaa wiihkaa maci‑ishihcikehken.”]