Popular Bible Verses from Cenisihs 50

Share

I'i tahsh kaakii inentamek kaawii ishi macitootawiyekipan, Kishemanitoo tahsh wiin i'imaa kii⁠onciini ominotootaakewin. Miitahsh i'i noonkom niipiwa' pemaatisiwaatc kaa⁠onci pimaatisiwaatc i'i kaakii ishihsenik.

Coosap tahsh okii ishi nahkwehtawaa', “Keko sekisihkek. Niin nintaa ishicihkewaan ina Kishemanitoo otishihcikewin?

Inashke tahsh keko sekisihkek, kika naanaakaci'ininim hsa, iki kaye kiniicaanihsiwaak.” Miihsh kaa⁠ishi minwentaminitc weweni ekiih kakanoonaatc.

O'oweni hsa inaahkek Coosap ‘Kipakohsenimin ci⁠poonentamawatwaa tipinawe kiicihkiweyak kaakii ishi mamaashiihkantawihkwaa, i'i kaye kaakii ishi macitootamowaatc ahpii kii⁠wani tootawihkwaa.’ Taka tahsh noonkom poonentamawihshinaam kaakii wani tootaakooyan, niinawint iitok kaa⁠pamiihtawankitc kitetepan oKishemanitooman.” Coosap tahsh kii⁠mawi ahpii e⁠noontank kaakii'inintc.

Miitahsh Coosap kaa'inaatc wiicihkiweya', “Mii'aasha kekaa ci‑ishkwaa pimaatisiyaan, shaakooc tahsh Kishemanitoo tepwe kika naanaakaci'ikowaa. O'omaa kaye ahkiink Iicip kika onci maaciinikowaa ci‑ishiwininek weti kaakii ishi ahshotamawaakopanen Eparahaaman (Abraham) , Aaisikoon (Isaac) , ini kaye Cekapoon (Jacob) .”

Coosap tahsh okii'inaa' Isriyala' ci⁠ahpimonitc ekii'inaatc, “Ahshotamawihshik, ahpii Kishemanitoo ishiwininek weti Kenan (Canaan) ahkiink, maaciitoohkek nihkanan,” ekii'inaatc.

Iicipahkiink, tahsh Coosap kiih⁠tashi ishkwaa pimaatisi, ninkotwaahk mitaahso (110) ekiih tahso pipoonwetc. Kiih⁠kwayaancihcikaateni tahsh kaye owiiyaw, ekiih piina'ikaatenik cipemahkahkonk.