Popular Bible Verses from Ekihsatahs 8

Share

Memaantaawisinitc itahsh otaanakiih kocihtooni ci⁠maamahkaacihcikenitc ewiih piinaanitc pihkociihsenhsa', kaawiin itahsh okiih kashkihtoohsiini. Misiwe hsa ko kii⁠ayaawa' pihkociihsenhsa' pemaatisinitc kaa⁠ishi'ayaanitc, aya'aawihshihkaank kaye. Miitahsh iki memaantaawisiwaatc kaa'inaawaatc Peroon (Pharaoh) , “Mii'osha'oweni Kishemanitoo otishihcikewin,” okii'inaawaan. Miitahsh aanciko Peroo kaakii ani shashiipihtank, ekiih pisintawaahsik Moosihsoon, Eranoon kaye, mayaa ekii ishihsenik kaakii ihkitonitc kaaTipencikenitc.

KaaTipencikenitc itahsh Moosihs (Moses) okii'ikoon, “Anta waapam Peroo (Pharaoh) o'o ci'inatc, ‘Taka pakitin nimpimaatisiimak ci⁠awi anami'ehtawiwaatc.

Ahpii tahsh Peroo e⁠waapantank omahkahkii' e⁠niponitc, mii 'i aanciihke kaakii ani shashiipihtank ekiih pisintawaahsik Moosihsoon, Eranoon kaye, ekii ishihsenik mayaa kaakii ihkitonitc kaaTipencikenitc.

Kiishpin itahsh inentansiwan i'i ci‑ishihcikeyan, mii hsa 'i ke⁠tootamaan kitahkiim misiwe ci⁠ayaawaatc omahkahkiik ke⁠ahpiihci sanakaahkoninaan.

Miitahsh kaaTipencikenitc Moosihs (Moses) kaa'ikotc, “Kanoosh Eran (Aaron) ci⁠niimaahkonank osahka'onaahk, ci⁠pahkihte'ank itahsh kaa⁠paashkinehsenik ahki, miitahsh i'imaa ke⁠onciinitc pihkociihsenhsa' misiwe ke⁠ayaanitc Iicipahkiink (Egypt) ,” okii'ikoon.

Miitahsh kaaTipenciketc kaa⁠ishihciketc. Wiinke hsa kiih⁠paahtiinowa' oociinsa' kaakiih pakami ayaanitc Peroo owaahkaa'ikanink, owaahkaa'ikaniniink kaye otaanihkewikimaama'. Wiinke hsa misiwe kii⁠nihshiwanaasinaakwan aaniihsh misiwe kii⁠ayaawa' oociinsa' i'imaa Iicipahkiink.