Popular Bible Verses from Tootaraanamii 7

Share

Kihkentamok itahsh kaaTipenciketc kiKishemanitoomiwaa mii ehta a'awe Kishemanitoo, eh⁠tepweyentaakositc. Eh⁠kanawentank kaye kaakii ishi ahshotank ewii ishi saaki'aatc i'i mitaahswaahk 1,000 kaa‑ayaanihke nihtaawiki'itinitc kaa⁠saaki'ikotc, kenawentaminitc kaye enaahkoniketc.

Kiinawaa iitok kaaTipenciketc kiKishemanitoomiwaa kitipinawewisiimikowaa; kaaTipenciketc kiKishemanitoomiwaa wiin kikii onci onenimikowaa eshi'ayaanitc kahkina pemaatisinitc o'omaa ahkiink, memintake ko ci⁠tinowiwek opimaatisiima'.”

Mii hsa 'i wenci tootawinek kaaTipenciketc eh⁠saaki'inek, ewii ishihciketc kaakii ishi aayiici ahshotamawaakopanen kikehteya'aamiwaa'. Mii hsa 'i kaaTipenciketc kaakii onci saakiciwininek omashkawisiiwin ekii aapacihtootc weti Iicipahkiink (Egypt) kaakiih tashi kakwaataki mihtanohkii'ikooyekipan. Peroo (Pharaoh) kaakiih kihciokimaawitc kaakiih kakwaataki'inek.

“Kaawiin itahsh wiin kaaTipenciketc kitoonci saaki'ikohsiiwaa, kitoonci onenimikohsiiwaa kaye onsaam maawac kiinawaa eh⁠paahtiinoyek o'omaa ahkiink, kiinawaa iitok maawac kitakaahsiinom kaa⁠tahshiwaatc awiyak pemaatisiwaatc.

Kiinawaa hsa maawac kishawentaakosim kaa⁠tahshiwaatc kotak awiyak pemaatisiwaatc; kaawiin hsa inini, komaa kaye ihkwe oka pwaanawihtoohsiin ci⁠oniicaanihsitc eshi'ayaayek. Miihsh peshikwan kitawahkaaniwaak ke⁠ishihsewaatc.