Popular Bible Verses from Tootaraanamii 4

Share

Miitahsh weti keshi kakwe mihkawek kaaTipenciketc kiKishemanitoomiwaa, kika mihkawaawaa tahsh kiishpin kota enikohkote'eyek nanaantone'wek.

KaaTipenciketc ohsha kiKishemanitoomiwaa eh⁠tinowitc kaa⁠koohpaasinaaketc. Kaawiin hsa kika nakanikohsiiwaa, kaawiin kika nihshiwanaaci'ikohsiiwaa. Kaawiin kaye ta⁠waniihkehsii wiin iko kaakii ayiici ahshotamawaakopanen kikehteya'aamiwaapanii'.”

KaaTipenciketc, kiKishemanitoomiwaa aaniihsh taapishkoo inentaakosi ishkote kaa‑ankwaahkisowemakahk, kaawiin ohsha omanaaci'aahsii' kaa⁠kakwe naapishkaakotc.”

Ayaankwaamisik itahsh weweni kaye ishihcikek ci⁠waniihkehsiwek kekoonan kaakii waapantamek, aaniihsh maakishaa waniihkeyek i'imaa kite'iwaank, kaawiin miinawaa wiihkaa kika maamihkawihsiim minihk ke⁠pimaatisiyek o'omaa ahkiink. O'owe hsa tahsh ishihcikek, ani wiintamawihkwak kiniicaanihsiwaak, keni oniicaanihsiwaatc kaye ci⁠ani kihkentaminitc.

Kihkentamok itahsh noonkom kaa⁠kiishikahk, kite'iwaank ishi kihkentamok kaaTipenciketc wiin eh⁠Kishemanitoowitc weti paashici ishpimink, weti kaye anaamink inahke ahkiink; kaawiin hsa kotak manitoo ayaahsii.

“Ayaawak inahsh kotak pehkaanwewaanakisiwaatc pemaatisiwaatc ci⁠ahpiihci kihci inentaakosiwaahpan ci⁠ayaawaawaatc manitoon pehsho taapishkoo kaaTipenciketc kiKishemanitoominaan kaashi pehshwaapamank ahpii kii⁠kanoonank ci⁠wiiciiwinank.

Ahpii hsa wahsitaawihseyek, kahkina kaye ono otihsikoyek weti ani kakiishikahk, mii hsa 'i ci⁠kiiwenotawek kaaTipenciketc kiKishemanitoomiwaa, miihsh kaye ci⁠na'ihtawek.

Keko awahshime nankinankek kaa'ininakook, keko kaye aciwinamohkek. I'i hsa ci⁠kanawentamowek kaaTipenciketc kiKishemanitoomiwaa otinaahkonikewinan kaa⁠wiintamawinakook.