Popular Bible Verses from Ishihcikewinan 4

Share

Kaawiin iitok kotak awiya otayaahsiin pimaaci'iwewin, aaniihsh kaawiin kotak ayaahsinoon ishinihkaasowin o'omaa ahkiink awiya ke'onci pimaaci'ikoowisihpan.”

Ahpii tahsh kaaishkwaa anami'aawaatc kiikoshkohseni i'imaa eshi ayaawaatc. Kahkina tahsh okii'-mooshkineshkaakowaan Kishemanitoon otAhcaahkoni, miihsh kaa'ishi waawiintamowaatc Kishemanitoon otihkitowinini ekiih soonkite'ewaatc.

Inashke tahsh noonkom Tepencikeyan, waapantamow eshi ahshotamawiyamintwaa ewiih tootawiyamintwaa. Taka hsa tahsh miishihshinaam soonkite'ewin e'otanohkii'aakanimiyaank ciwiintamaakeyank kitihkitowin.

Ciisahs hsa kaatashimintc o'o kaaishipii'ikaatek Kihcimasina'ikan: ‘A'a hsa ahsin kaakii'-aanawenimek kaawaahkaa'ikeyek, mii'awe mayaa kepi maacii kihci'-inentaakositc ahsin,’ ishipii'ikaate.

Ahpii tahsh ewaapantamowaatc aaniin ehpiihci soonkite'enitc Piitaroon, ini kaye Cwaanan, mii 'i kaakii kihkentamowaatc kekoon ekii'-inakisohsinik, ekiih kihkino'amawaahsiwimintc itahsh kaye, wiinke kiikihci maamahkaatentamook. Miitahsh kaakii kihkenimaawaatc ekii'-wiiciiwaanitc ini Ciisahsoon.

Emaamawi ayaawaatc tahsh otepwehtamook peshikwan kii'inentamook, peshikwan kii'ishite'ewak. Kaawiin tahsh awiya cikii'ihkitotc kekoonan e'ayaatc wiin ehta ehtipinawewisitc, kahkina hsa ko kekoonan kiimaamawihcikewak.