Popular Bible Verses from Santiago 1

Share

Mga kataladi ku, atin ka ágdungguan kó katô marapung mga klasi ka kahirapan, kailangan kadayawan kó, su ikasóddór kó na ágkinnaman tô kapamaké yu ébô makému kó tumiis katô kahirapan.

Na, atin ka duwán tun ákniyu na ándà sóddór ka ándin tô kakalyag ka Manama na lumun din, kailangan mamuyù sikandin tun ta Manama, asta pasóddórán ka Manama kandin, su mabasa tô Manama, asta dì sikandin géllé katô mga ágpamuyù tun kandin.

Na, mga kataladi na ágginawaan ku, paminág kó kanak. Kailangan maminág kó katô kagi ka Manama. Yakó sékót ágkagi, asta yakó sékót ágkasókó.

Purisu tiis kó katô mga kahirapan, su atin ka makatiis kó, mému kó nángngà, asta ándà kulang diyan ákniyu.

Purisu tuman kó katô kagi ka Manama na igpaminág yu. Dì nángngà ka maminág kó dád, su atin ka dì kó tumuman katô igpaminág yu, áglimbungan yu tô ákniyu sarili.

Ágkadayawan tô mga manubù na pakatiis katô mga kahirapan. Su ka makatiis sikandan katô pagkinnam kandan, tanggapán dan tô pulusán na kantayan na ándà ágtamanán na igtandô ka Manama tun ta mga manubù na ágginawa kandin.

Tuu madigár asta ándà palang kulang katô langun na ágbággén áknita katô Ámmà na Manama na igimu katô langun tun ta langit na pakamappawà kani banuwa. Agad ágkapalin asta ágkasidalungan tô mga giló tun ta langit, tô Manama dì gó mapalin.

Tô ágpaminág asal dì ágtuman inéring katô gahà dád katô bónnóng din tun ta pangalungan. Agad mangalung sikandin, asal sékót din dád kalingawan tô igkita din.

Na, tô manubù na bánnal asta matullid tô kapangadap din tun ta saruwan ka Manama na Ámmà ta, tô gó tô ágtabang katô mga minélu asta katô mga balu tun ta kahirapan dan, asta tô dì ágkapid katô madat áglumun katô mga manubù nit banuwa.

Atin ka ágdunggù tô mga kahirapan asta duwán kakalyag ka manubù na lumumu ka madat, dì mému ka kumagi sikandin na Manama tô igtintal kandin, su dì ágkatintal tô Manama, asta dì sikandin ágtintal katô manubù. Asal matintal ki ukit katô áknita kakalyag na madat.

Na, tô kataladi na ágkayù-ayuan kailangan kadayawan su igpabantug ka Manama sikandin.