Popular Bible Verses from ᒫᑎᔪ 6

Share

ᑮᓇᐙ ᑕᔥ ᐐᓐ, ᒦ ᐅᐌ ᒫᐗᒡ ᑫᑮᐃᔑ ᐊᑐᓀᐊᒣᒃ, ᑭᔐᒪᓂᑑ ᒋᐅᑭᒫᑲᑕᐎᓀᒃ, ᑲᔦ ᒋᑑᑕᒣᒃ ᑲᑭᓇ ᑫᑰᓐ ᐃᐌ ᑳᐃᔑ ᐊᑕᐌᓂᒥᓀᒃ᙮ ᒦᑕᔥ ᐃᐃ ᑫᐃᔑ ᒦᓂᓀᒃ ᑲᑭᓇ ᑫᑰᓐ ᑫᐅᒋ ᐱᒫᑎᓯᔦᒃ᙮

ᑫᑯ ᒥᑯᔥᑳᑌᑕᑫᒃ ᐋᓃᓐ ᐙᐃᔑᐌᐸᒃ ᐙᐸᕽ᙮ ᐙᐸᕽ ᑭᑲ ᐙᐸᑖᒻ ᑯᑕᒃ ᑫᑰᓇᓐ ᒋᓈᑲᑕᐌᑕᒣᒃ᙮ ᑫᑯ ᑕᔥ ᐐᓐ ᐊᓂᔖ ᐊᐗᔑᒣ ᐊᓂ ᐅᔑᑕᒫᓱᑫᒃ ᑫᐅᒋ ᒥᑯᔥᑳᑌᑕᒣᒃ᙮ ᐋᔕ ᑮᑌᐱᓭ ᓅᑯᒻ ᑳᑮᔑᑲᒃ ᑫᐅᒋ ᒥᑯᔥᑳᑌᑕᒣᒃ᙮

ᐊᒦ ᐅᐌ ᑳᐅᒋ ᑲᓅᓂᓇᑰᒃ: ᑫᑯ ᐅᒋ ᒥᑯᔥᑳᑌᑕᑫᒃ ᐌᑯᓀᓐ ᑫᒦᒋᔦᒃ ᑲᔦ ᑫᒥᓂᑴᔦᒃ, ᑲᔦ ᐃᒫ ᑭᐐᔭᐎᐙᕽ ᑫᑭᑭᔥᑲᒣᒃ᙮ ᑳᐐᓐ ᐃᓇ ᐊᐗᔑᒣ ᐃᓀᑖᑾᓯᓅᓐ ᐱᒫᑎᓯᐎᓐ ᐊᐲᒡ ᐃᐃᐌ ᒦᒋᒻ? ᑳᐐᓐ ᐃᓇ ᐊᐗᔑᒣ ᐊᐲᑌᑖᑾᓯᓅᓐ ᑭᐐᔭᐎᐙᓐ ᐊᐲᒡ ᑭᑭᔥᑭᑲᓇᓐ?

ᑮᓐ ᐃᑕᔥ ᐁᐊᓇᒥᐋᔭᓐ, ᐲᑎᑫᓐ ᑭᐸᑫᒋᑲᓂᕽ, ᑭᐸᐊᓐ ᑭᑎᔥᒀᑌᒻ, ᐊᓇᒥᐁᑕᐤ ᑭᑌᑌ ᑳᐙᐸᒫᓯᐎᓐᒡ᙮ ᐊᐊ ᑕᔥ ᑭᑌᑌ ᑳᑭᑫᑕᕽ ᓂᔑᑫ ᑳᐃᔑᒋᑫᔭᓐ, ᐐᓐ ᑭᑲ ᑎᐸᐊᒫᒃ᙮

ᐅᐅ ᑕᔥ ᑮᓇᐙ ᐃᔑ ᐊᓇᒥᐋᒃ: ᓂᑌᑌᓈᓐ ᑭᒋᑮᔑᑯᕽ ᐁᔮᔭᓐ! ᑭᑲᑴᒋᒥᑰ ᑲᑭᓇ ᐊᐎᔭ ᒋᑭᒋ ᐃᓀᑕᕽ ᑭᑎᔑᓂᑳᓱᐎᓐ᙮ ᑭᑲᑴᒋᒥᑰ ᐃᐃᐌ ᒋᐱ ᐅᔑᓯᑑᔭᓐ ᑭᑑᑭᒫᐎᐎᓐ, ᑲᔦ ᑲᑭᓇ ᐊᐎᔭᒃ ᒋᑑᑕᒧᐙᒡ ᑭᑎᓀᑕᒧᐎᓐ ᐅᐅᒫ ᐊᑮᕽ ᑖᐱᔥᑰ ᑳᑑᒋᑳᑌᒃ ᐌᑎ ᑭᒋᑮᔑᑯᕽ᙮

ᒦᔑᔑᓈᒻ ᓅᑯᒻ ᑳᑮᔑᑲᒃ ᒦᒋᒻ ᑫᐅᒋ ᐱᒫᑎᓯᔮᕽ᙮

ᐴᓀᑕᒪᐎᔑᓈᒻ ᑳᑮᐃᔑ ᒪᒋᑑᑕᒫᕽ, ᑳᐃᔑ ᐴᓀᑕᒪᐗᑭᑣ ᐃᑭᐌᓂᐗᒃ ᑳᒪᒋᑑᑕᐎᔭᒥᑣ᙮

ᑫᑯ ᐃᔑᐎᔑᔑᓈᑳᕽ ᑯᒋᐃᑰᐎᓂᕽ᙮ ᑲᓇᐌᓂᒥᔑᓈᒻ ᑕᔥ ᐅᒋ ᐊᐊ ᒪᒋᐊᔭᐋ ᒋᔖᑰᒋᐃᓯᓄᐎᔭᒥᓐᒡ᙮

ᑮᔥᐱᓐ ᐃᑕᔥ ᐴᓀᑕᒪᐌᒀ ᐃᓂᐌᓂᐗᓐ ᑳᒪᒋᑑᑕᐎᓀᒀ, ᑭᑌᑌᐙ ᑭᒋᑮᔑᑯᕽ ᑳᐊᔮᒡ ᑲᔦ ᐐᓐ ᑭᑲ ᐴᓀᑕᒫᑯᐙ᙮

ᓇᔥᑫ ᐱᓀᔒᔕᒃ ᑳᐸᐹᒥᓭᐙᒡ, ᑳᐐᓐ ᑭᑎᑫᓰᐗᒃ, ᑳᐐᓐ ᑲᔦ ᒫᐗᒋᒋᑫᓰᐗᒃ, ᑳᐐᓐ ᑲᔦ ᓇᐊᑕᒫᓱᓰᐗᒃ ᐊᑖᓱᐎᑲᒥᑯᕽ᙮ ᑫᔮᐱ ᑕᔥ ᑭᑌᑌᐙ ᑭᒋᑮᔑᑯᕽ ᑳᐊᔮᒡ ᑫᔮᐱ ᐅᑕᔕᒫᐞ᙮ ᑳᐐᓐ ᐃᓇ ᑮᓇᐙ ᐊᐗᔑᒣ ᑭᑕᐲᑌᑖᑯᓯᓰᒻ ᐊᐲᒡ ᐃᑭ ᐱᓀᔒᔕᒃ?

ᑫᑯ ᓇᐊᑑᑫᒃ ᑭᑕᑣᑲᓂᑳᓱᐎᓂᐙᓐ ᐅᒫ ᐊᑮᕽ ᑫᑕᔑ ᓂᔑᐗᓈᒋᒪᓂᒎᔑᐗᑭᓐ, ᑲᔦ ᑫᑕᔑ ᐊᒀᒀᐱᑭᓯᑭᓐ, ᑲᔦ ᐃᒫ ᑭᒨᑎᔥᑲᒃ ᒋᐲᑾᐊᒧᐙᒡ ᒋᐲᑎᑫᐙᒡ ᒋᑭᒨᑎᐙᒡ᙮ ᐊᑑᒃ ᐃᑕᔥ ᑭᐌᓅᑎᓯᐎᓂᐙᓐ ᑭᒋᑮᔑᑯᕽ, ᐃᒫ ᑫᑕᔑ ᓂᔑᐗᓈᒋᑑᓯᑾ ᒪᓂᒎᔕᒃ, ᑫᑕᔑ ᐊᒀᒀᐱᑭᓯᓯᓄᑭᓐ ᑲᔦ᙮ ᒦ ᐌᑎ ᑳᐐᓐ ᑕᐲᑾᐃᑫᓰᐗᒃ ᑭᒨᑎᔥᑲᒃ ᒋᐱ ᑭᒨᑎᐙᒡ᙮ ᐋᑎ ᐃᒫ ᑫᐃᔑ ᐊᑌᒃ ᑭᐌᓅᑎᓯᐎᓂᐙᓐ, ᒦ ᑯ ᐃᒫ ᑲᔦ ᑮᓐ ᑫᐃᔑ ᒥᓴᐌᑕᒪᓐ ᒋᐊᔮᔭᓐ᙮

ᑳᐐᓐ ᐊᐎᔭ ᐅᑲ ᑎᐯᓂᒥᑯᓰᐞ ᓃᔑᓐ ᐅᑭᒫᐞ᙮ ᐋᓃᔥ ᐯᔑᒃ ᐅᑲ ᔒᑫᓂᒫᓐ, ᔑᑾ ᐯᔑᒃ ᐅᑲ ᓵᑭᐋᓐ᙮ ᐯᔑᒃ ᐃᓂᐌ ᐅᑲ ᑭᒋᐎᓈᓐ, ᔑᑾ ᐯᔑᒃ ᐅᑲ ᐌᐱᓈᓐ᙮ ᑳᐐᓐ ᑭᑖ ᑎᐯᓂᒥᑯᓰ ᑭᔐᒪᓂᑑ ᑲᔦᔥ ᒋᑕᑯᑎᐯᓂᒥᑭᐸᓐ ᔔᓂᔮ᙮

ᑲᔦ ᐃᓂ ᒪᔥᑯᓰᓐ ᑳᓂᑖᐎᑭᑭᓐ, ᐐᐸ ᑳᐊᓂ ᓂᐴᒪᑲᑭᓐ, ᑳᐸᑾᒋᐱᑑᔭᕽ ᑫᐐ ᐴᑕᐙᑫᔭᕽ, ᐊᐴᔥᑫ ᒦᐗᓄᓄ ᑎᓄ ᒪᔥᑯᓰᓐ ᐅᐱᒋᑯᓇᔦᑑᓇᓐ ᑭᔐᒪᓂᑑ᙮ ᑫᒋᓈᒡ ᐄᑐᒃ ᑲᔦ ᑮᓇᐙ ᑭᑲ ᒦᓂᑯᐙ ᑫᑭᑭᔥᑲᒣᒃ! ᐁᑕᑕᐌ ᐊᑳᓯᓐ ᑭᑌᐺᔦᑕᒧᐎᓂᐙ!

ᑮᓐ ᐃᑕᔥ, ᐊᐲ ᐁᐐᒋᐊᑣ ᐃᑭ ᑫᑎᒫᑭᓯᐙᒡ, ᑫᑰ ᐊᐎᔭ ᐐᑕᒪᐙᑫᓐ, ᑑᑕᓐ ᐐᑫ ᒋᒪᓈᓈᑯᑑᔭᓐ, ᐐᑫ ᑮᒨᒋᒋᑫᓐ ᑲᔦ ᐊᐙᒡ ᐸᑮ ᐊᐎᔭᒃ ᒋᑭᑫᑕᓯᒀ᙮ ᒦᑕᔥ ᑮᓀᑕ ᒋᑭᑫᑕᒪᓐ᙮ ᐊᐊ ᑕᔥ ᑭᑌᑌ ᑳᐙᐸᑕᕽ ᓂᔑᑫ ᑳᑑᑕᒪᓐ, ᐐᓐ ᑭᑲ ᑎᐸᐊᒫᒃ᙮

ᒋᓴᔅ ᐅᐅᐌ ᑮᐊᓂ ᐃᑭᑐ: ᐊᔮᒀᒥᓯᒃ! ᐊᐲ ᐙᒥᓄᑑᑕᒣᒃ ᐅᒋ ᐊᓇᒥᐋᐎᓂᕽ, ᑫᑯ ᑑᑕᑫᒃ ᐁᔑ ᐊᔮᐙᒡ ᐊᐎᔭᒃ ᒋᑲᓇᐙᐱᒥᓀᒀ᙮ ᑮᔥᐱᓐ ᑑᑕᒣᒃ ᑭᑌᑌᐙ ᑭᒋᑮᔑᑯᕽ ᑳᐊᔮᒡ ᑳᐐᓐ ᑭᑲ ᑎᐸᐊᒫᑯᓰᐙ᙮

ᒦᓇᐙ ᑕᔥ, ᐊᐲ ᑮᐐᓯᓂᓯᐌᒃ ᐊᓇᒥᐋᐎᓂᕽ ᐅᒋ, ᑫᑯ ᐃᔑᓈᑯᓯᑫᒃ ᑳᐃᔑᓈᑯᓯᐙᒡ ᐅᒥᓍᑎᓰᔑᑑᒃ, ᐁᑲᔥᑫᑕᒥᓈᑯᓯᐙᒡ᙮ ᐋᓃᔥ ᑲᒀᑕᑭᓈᑯᓯᐃᑎᓱᐗᒃ ᒋᐙᐸᒥᑯᐙᒡ ᑲᑭᓇ ᐊᐎᔭᐞ ᐁᐐᓯᓂᓯᒀ ᐊᓇᒥᐋᐎᓂᕽ ᐅᒋ᙮ ᑭᑫᑕᒧᒃ ᐅᐅ: ᐋᔕ ᑲᑭᓇ ᑮᑎᐸᐊᒪᐙᐗᒃ᙮ ᑮᓐ ᐃᑕᔥ ᐐᓐ, ᐊᐲ ᑮᐅᒋ ᐐᓯᓯᐗᓐ, ᑭᓰᔩᑴᓐ, ᐱᓈᑴᐅᓐ, ᐁᑳ ᒋᑭᑫᓂᒥᓯᓄᒀ ᑲᑭᓇ ᐊᐎᔭᒃ ᐁᐐᓯᓂᓯᐗᓐ, ᐐᓐ ᐁᑕ ᑭᑌᑌ ᑳᐙᐸᒫᓯᐎᓐᒡ᙮ ᐊᐌ ᑕᔥ ᑭᑌᑌ ᐅᑭᑫᑖᓐ ᓂᔑᑫ ᑳᐃᔑᒋᑫᔭᓐ᙮ ᐐᓐ ᑭᑲ ᑎᐸᐊᒫᒃ᙮