Popular Bible Verses from ᒫᑎᔪ 24

Share

ᑫᓂ ᐊᐲᒋ ᐹᑏᓇᑎᒃ ᐃᑕᔥ ᒪᒋᑑᑕᒧᐎᓐ, ᐃᐃ ᓴ ᓃᐳᐗᐞ ᐯᒫᑎᓯᐙᒡ ᑳᐃᔑ ᓵᑭᐃᑎᐙᒡ, ᐲᓂᔥ ᑳᐐᓐ ᑕᓂ ᓵᑭᐃᑎᓰᐗᒃ᙮ ᐊᐎᔭ ᓴ ᑫᔕᔒᐯᑕᕽ ᐲᓂᔥ ᐌᑎ ᐃᔑᐊᐲ ᑳᐐᐃᔥᒀᓭᒃ ᑫᑰᓇᓐ ᓅᑯᒻ ᑳᐙᐸᒋᑳᑌᒃ, ᒦᓴ ᐊᐊ ᑫᐱᒫᒋᐃᓐᒡ᙮

ᐱᓇᒫ ᓴ ᐅᐅ ᑳᔑ ᒥᓍᑐᑌᒃ ᐅᐅ ᑭᔐᒪᓂᑑ ᐅᑎᐯᒋᑫᐎᓐ ᑕᐸᐹᑎᐹᑐᑌ ᒥᓯᐌ ᐊᑮᕽ ᑲᑭᓇ ᐯᒫᑎᓯᐙᒡ ᒋᓅᑕᒧᐙᒡ᙮ ᒦᑕᔥ ᐃᐃ ᐸᔦᔥ ᑲᑭᓇ ᑫᑰᓐ ᒋᐃᔥᒀᓭᒃ᙮

ᑭᑲ ᑌᐱᑖᒻ ᓴ ᐃ ᒦᑳᑎᐎᓐ, ᑭᑲ ᓈᓅᑖᒻ ᑲᔦ ᐁᒫᒦᑳᑎᓈᓂᐗᕽ᙮ ᑫᑯ ᑕᔥ ᓭᑭᓯᑫᒃ᙮ ᐱᓇᒫ ᓴ ᐅᐅ ᑕᐃᔑᓭ ᒋᑆ ᐃᔥᒀᓭᑭᓐ ᐅᓄ ᑫᑰᓇᓐ ᒣᒀ ᑳᐙᐸᑕᒪᕽ᙮

ᑕᑭᒋ ᒦᑳᑎᐗᒃ ᓴ ᐯᐸᑳᓐ ᑳᑕᓶᐙᓇᑭᓯᐙᒡ ᐅᐅᒫ ᐊᑮᕽ, ᑲᔦ ᑳᑕᓯᑭᓐ ᐅᑭᒫᐎᐎᓇᓐ᙮ ᐯᐸᑳᓐ ᒥᓯᐌ ᒦᒋᒻ ᑕᓈᓅᑌᓭ, ᐯᐸᑳᓐ ᑲᔦ ᐊᑮᕽ ᑕᐃᔑ ᑯᑯᔥᑯᓭ᙮ ᐅᓄ ᑕᔥ ᑳᐐᑕᒫᓐ ᒦ ᑫᔑᓈᑾᑭᓐ ᑖᐱᔥᑰ ᐃᑴ ᑳᒫᒋᐋᑯᓯᒡ ᐁᐐᐙᐸᒫᐗᓱᒡ᙮

ᒥᓴᐙ ᑯ ᑮᔑᒃ, ᐊᑭ ᑲᔦ ᐃᔥᒀᓭᑭᓐ, ᓂᑎᑭᑐᐎᓇᓐ ᑕᔥ ᐐᓐ ᑳᐐᓐ ᐐᑳ ᑕᐃᔥᒀᓭᓯᓅᓇᓐ ᑳᔑ ᑌᐺᒪᑲᑭᓐ᙮

ᐋᓃᔥ ᑕᐹᑏᓄᐗᒃ ᒋᐱ ᑕᑯᔑᓄᐙᒡ ᐃᐃᒫ ᓂᑎᔑᓂᑳᓱᐎᓂᕽ ᒋᐃᑭᑐᐙᒡ: ᓃᓐ ᓴ ᑭᔐᒪᓂᑑ ᐅᑑᓈᐸᒫᑲᓇᓐ᙮ ᓃᐳᐗᐞ ᐃᑕᔥ ᐅᑲ ᐗᓂᐎᓈᐙᐞ ᐯᒫᑎᓯᓂᒡ᙮

ᑭᑲ ᑕᑯᓂᑰᒻ, ᑭᑲ ᒦᑭᐙᓂᐎᒻ ᑲᔦ ᒋᑲᒀᑕᑭᐃᑰᔦᒃ, ᒦᑕᔥ ᑫᔑ ᓂᓯᑰᔦᒃ᙮ ᑲᑭᓇ ᐊᐎᔭ ᐁᑕᓶᐙᓇᑭᓯᒡ ᑭᑲ ᔒᑫᓂᒥᑯᐙ ᓃᓐ ᐅᒋ᙮ ᑕᐹᑏᓄᐗᒃ ᑲᔦ ᑫᐋᓇᐌᒋᑫᐙᒡ ᐃᐃ ᐊᐲ᙮ ᑕᒪᒥᔑᑎᐗᒃ ᑲᔦ, ᑕᔒᑫᓂᑎᐗᒃ ᑲᔦ᙮ ᒦᑕᔥ ᐋᐱᒋ ᑕᐹᑏᓄᐗᒃ ᑫᐃᓍᓂᑎᓱᐙᒡ ᑳᑲᓅᑕᒪᐙᐙᒡ ᑭᔐᒪᓂᑑᓐ᙮ ᒦᑕᔥ ᓃᐳᐗᐞ ᑫᔑ ᐗᓂᔑᒫᐙᒡ ᐯᒫᑎᓯᓂᒡ᙮

ᒋᓴᔅ ᓴ ᑮᐃᑭᑐ: ᐊᔮᒀᒥᓯᒃ, ᒋᐗᓂᐎᓂᓯᓄᐎᓀᒃ ᐊᐎᔭ᙮

ᒦᑕᔥ ᐯᔑᑾᓐ ᑫᑮᓇᐙ ᑫᔑ ᐅᔒᑖᔦᑭᐸᓐ ᒨᔕᒃ, ᐋᓃᔥ ᐃᓂᓂ ᐅᑯᓯᓴᓐ ᑕᑕᑯᔑᓅᓐ ᐊᐲ ᑎᐸᐃᑲᓂᕽ ᑫᐲᐃᒫᓯᐌᒃ᙮

ᐊᔕᐙᐱᒃ ᐃᑕᔥ, ᐋᓃᔥ ᑳᐐᓐ ᑭᑭᑫᓂᒫᓯᐙᐙ ᐊᐲ ᑮᔑᑲᓂᓂᒃ ᑫᑕᑯᔑᕽ ᑭᑎᐯᒋᑫᒥᐙ᙮

ᑳᐐᓐ ᓴ ᐊᐎᔭ ᐅᑭᑫᑕᓰᓐ ᐊᐲ ᑮᔑᑲᓂᓂᒃ, ᐋᓃᓐ ᑲᔦ ᑫᑕᓱᑎᐸᐃᑲᓀᔮᓂᒃ ᐃᐃ ᐊᐲ ᐅᒋᒋᓭᓂᒃ᙮ ᐁᒐᓬᐊᒃ ᑭᒋᑮᔑᑯᕽ ᑳᐊᔮᐙᒡ ᑳᐐᓐ ᐅᑭᑫᑕᓰᓈᐙ, ᑲᔦ ᓃᓐ ᐅᑯᓯᓯᒫ ᑳᐐᓐ ᓂᑭᑫᑕᓰᓐ᙮ ᒦ ᐁᑕ ᐊᐊ ᐌᔫᓯᒥᓐᒡ ᑫᑫᑕᕽ᙮

ᑕᐹᑏᓄᐗᒃ ᐃᓴ ᑫᐃᓍᓂᑎᓱᐙᒡ ᑭᔐᒪᓂᑑᓐ ᐅᑑᓈᐸᒫᑲᓂᓂ, ᐃᑭ ᑲᔦ ᑫᐃᓍᓂᑎᓱᐙᒡ ᐁᑮᑭᑐᑕᒪᐙᒡ ᑭᔐᒪᓂᑑᓐ᙮ ᒦᓴ ᐃᑭ ᑳᐗᓂᐎᔑᐌᐙᒡ᙮ ᐋᐱᒋ ᓴ ᑕᒪᒫᑕᐎᒋᑫᐗᒃ, ᒦᑕᔥ ᑫᐅᒋ ᒫᒪᑳᒋᒋᑫᐙᒡ, ᒋᐗᓂᐎᓈᐙᒡ ᐴᔥᑫ ᐋᔕ ᑭᔐᒪᓂᑑᓐ ᑳᑮᐅᓈᐸᒫᓂᒡ ᐯᒫᑎᓯᓂᒡ, ᑮᔥᐱᓐ ᑲᔥᑭᑑᐙᒡ᙮

ᐃᐃ ᓴ ᑳᑮᐃᔑᐌᐸᒃ ᒣᐎᔕ ᐊᐲ ᓅᐗ Noah ᑮᐱᒫᑎᓯᒡ, ᒦᓴ ᑫᐃᔑᐌᐸᒃ ᐊᐲ ᑭᔐᒪᓂᑑ ᐅᑲᔥᑭᐁᐎᓯᒪᓐ ᐱᑕᑯᔑᓂᓂᒡ᙮ ᐊᐲ ᑕᔥ ᒋᑆ ᓂᑭᐲᒃ ᐃᐃ ᐊᑭ ᒣᐎᔕ ᐯᒫᑎᓯᐙᒡ ᑮᐙᐐᓯᓂᐗᒃ, ᑮᒥᓂᑴᐗᒃ ᑲᔦ, ᑮᐐᑎᑫᑎᐗᒃ ᑲᔦ, ᐲᓂᔥ ᐊᐸᓀ ᐁᑮᔑᑲᓂᓂᒃ ᓅᐗ ᑮᐴᓯᒡ ᐃᐃᒫ ᑭᒋᒌᒫᓂᕽ᙮ ᑳᐐᓐ ᑕᔥ ᐅᑮ ᑭᑫᑕᓰᓈᐙ ᐋᓃᓐ ᑳᐃᓇᑲᒥᑲᓂᓂᒃ, ᐹᓂᒫ ᓴ ᓂᐲᓂ ᐁᑮᓂᑭᐸᓂᑯᐙᒡ ᐁᑮᒫᒌᔮᐳᑯᐙᒡ ᑲᑭᓇ᙮ ᒦᑕᔥ ᐯᔑᑾᓐ ᑫᐃᔑᐌᐸᒃ ᐊᐲ ᐃᓂᓂ ᐅᑯᓯᓴᓐ ᐱᑕᑯᔑᓂᓂᒡ᙮